రూపాయికే విమాన ప్ర‌యాణం.. ఇండిగో ఫ్లైట్ స్పెష‌ల్ ఆఫ‌ర్‌, ఎవ‌రికంటే..

ఇండిగో కంపెనీ చిన్న పిల్లల తల్లిదండ్రులకు ప్రత్యేక ఆఫర్ తీసుకొచ్చింది. ‘ఇన్ఫాంట్ ఫ్లై ఎట్ రూ.1’ పేరుతో, 0-24 నెలల వయసు ఉన్న పసికందుల కోసం కేవలం ఒక రూపాయి చెల్లించి టికెట్ బుక్ చేసుకోవచ్చు. ఈ ఆఫర్ నవంబర్ 30, 2025 వరకు మాత్రమే అందుబాటులో ఉంటుందని కంపెనీ ప్రకటించింది.

3 రోజులు వయసు నుంచి 2 సంవత్సరాల (24 నెలల) వరకు ఉన్న పసికందులు ఇందుకు అర్హులు. చెక్-ఇన్ సమయంలో తల్లిదండ్రులు వయసును నిర్ధారించే డాక్యుమెంట్స్‌ను చూపించాలి. ఉదాహరణకు: బర్త్ సర్టిఫికేట్, హాస్పిటల్ డిశ్చార్జ్ కార్డ్, వ్యాక్సినేషన్ సర్టిఫికేట్ లేదా పాస్పోర్ట్. వయసు ధృవీకరణ పత్రాలు లేకపోతే, పూర్తి టికెట్ ధర చెల్లించాల్సి వస్తుంది.

ఈ ఆఫర్ ఇండిగో అధికారిక వెబ్‌సైట్ (goIndiGo.in) ద్వారా మాత్రమే వర్తిస్తుంది. ఆన్‌లైన్‌లో బుక్ చేసుకొని, ప్రయాణ సమయంలో చెక్-ఇన్ వద్ద వయసు ధృవీకరణ పత్రాలు చూపించాలి.

ఎయిర్‌బస్ A320: గరిష్ఠంగా 12 పసికందులు.

ATR విమానాలు: గరిష్ఠంగా 6 పసికందులు.

ఒక్క పసికందుకు ఒక్క తల్లిదండ్రి మాత్రమే అవకాశం ఉంటుంది.

పసికందులతో ప్రయాణించడం పెద్ద సవాలే కాబట్టి, ఇండిగో ఈ ఆఫర్ ద్వారా తల్లిదండ్రుల భారం తగ్గించడానికి సహాయం చేస్తున్నారు. అన్ని సౌకర్యాలు విమానంలో అందుబాటులో ఉంటాయని కంపెనీ తెలిపింది.