Beauty Tips: ముఖానికి రాయడం కాదు, రోజూ బీట్ రూట్ నీరు తాగితే, మీ ఫేస్ లో వచ్చే మార్పులు ఇవే

తమ అందాన్ని పెంచుకోవాలనే కోరిక చాలా మందిలో ఉంటుంది. అయితే, అందం పెరగాలంటే..ఏవేవో క్రీములు, సీరమ్స్ ముఖానికి రాయాలి అని చాలా మంది అనుకుంటారు. కానీ, లోపలి నుంచి అందాన్ని పెంచుకునే ప్రయత్నం చేయాలి. అలా మన అందాన్ని పెంచడంలో బీట్ రూట్ మనకు చాలా బాగా సహాయపడుతుంది. చాలా మంది బీట్ రూట్ ని రెగ్యులర్ గా ఏదో ఒక రూపంలో తీసుకుంటూ ఉంటారు. సలాడ్, సూప్, కూర ఇలా తింటూనే ఉంటారు. కానీ, మీరు ఎప్పుడైనా బీట్ రూట్ నీటిని తాగారా? బీట్ రూట్ నీరు మీ చర్మ సంబంధిత సమస్యలను తగ్గించడంలో చాలా బాగా సహాయపడుతుంది. అంతేకాదు, మీ అందాన్ని కూడా రెట్టింపు చేస్తుంది. మరి, ఈ నీటిని తాగడం వల్ల కలిగే ఇతర ప్రయోజనాలేంటో తెలుసుకుందాం...

బీట్‌ రూట్ లో ఐరన్ పుష్కలంగా ఉంటుంది. దీనిని తీసుకోవడం వల్ల శరీరంలో రక్త పరిమాణం పెరుగుతుంది. రక్త ప్రసరణ మెరుగుపడుతుంది. మీ చర్మంలో రక్త ప్రసరణ మెరుగుపడి ఆక్సిజన్ చర్మం ప్రతి మూలకు చేరుకున్నప్పుడు, మీ చర్మం ప్రకాశవంతంగా మారుతుంది. ఇది మీ చర్మానికి గులాబీ రంగును ఇస్తుంది. దీని వల్ల ఫేస్ మరింత గ్లో గా కనిపిస్తుంది.

బీట్‌ రూట్ శక్తివంతమైన యాంటీ ఆక్సిడెంట్, యాంటీ ఇన్‌ఫ్లమేటరీ , డీటాక్సిఫైయింగ్ లక్షణాలను కలిగి ఉంటుంది. అందువల్ల, మీ ఆహారంలో బీట్‌రూట్ నీటిని జోడించడం వల్ల మీ శరీరం నుండి టాక్సిన్స్ తొలగించి, మీ చర్మాన్ని శుభ్రంగా , ఆరోగ్యంగా ఉంచుతుంది.

బీట్‌ రూట్ విటమిన్ సి , యాంటీఆక్సిడెంట్లను కలిగి ఉండటం వలన పిగ్మెంటేషన్‌ను తగ్గించడంలో కూడా సహాయపడుతుంది. ఇది కొల్లాజెన్‌ను పెంచడంలో కూడా సహాయపడుతుంది. ఇది వృద్ధాప్య ప్రక్రియను నెమ్మదిస్తుంది. అంటే, ఎక్కువ కాలం యవ్వనంగా కనిపిస్తారు. దీనితో పాటు, ఇది యాంటీ బాక్టీరియల్ లక్షణాలను కలిగి ఉండటం వలన చర్మానికి హానికరమైన క్రిములను కూడా చంపుతుంది.

ముందుగా, బీట్‌ రూట్‌ను కడిగి, పై తొక్కను తొలగించాలి. తర్వాత బీట్ రూట్ ని మంచిగా తురుముకోవాలి. ఒక గిన్నెలో గ్లాసు నీరు తీసుకొని, అందులో తురిమిన బీట్‌ రూట్‌ను జోడించాలి. ఇప్పుడు స్టవ్ మీద ఈ పాత్రను ఉంచి 6 నుంచి 7 నిమిషాల పాటు మరిగించాలి. నీరు బాగా మరిగిన తర్వాత ఆ నీటిని వడ పోసుకోవాలి. అందులో కావాలంటే కొద్దిగా మిరియాల పొడి, నల్ల ఉప్పు కలుపుకోవచ్చు. ప్రతిరోజూ ఉదయాన్నే ఈ నీటిని తాగితే సరిపోతుంది.