ఈ వారం థియేటర్స్ లో సందడి చేసే చిత్రాలు, విజయ్ సేతుపతి నుంచి అక్షయ్ కుమార్ వరకు..
అక్షయ్ కుమార్, విజయ్ సేతుపతి, రాజ్ కుమార్ రావు లాంటి క్రేజీ హీరోలు నటించిన చిత్రాలు రిలీజ్ కి రెడీ అవుతున్నాయి.
థియేటర్లలో అక్షయ్ కుమార్, విజయ్ సేతుపతి సందడి
ఈ వారం కొన్ని ఆసక్తికర చిత్రాలు థియేటర్లలో సందడి చేయబోతున్నాయి. అక్షయ్ కుమార్, విజయ్ సేతుపతి, రాజ్ కుమార్ రావు లాంటి క్రేజీ హీరోలు నటించిన చిత్రాలు రిలీజ్ కి రెడీ అవుతున్నాయి. ఆ చిత్రాల రిలీజ్ డేట్ లో ఇతర వివరాలు తెలుసుకుందాం.
ఏస్ మూవీ
ఆర్ముగ కుమార్ దర్శకత్వంలో రూపొందిన ఏస్ చిత్రంలో విలక్షణ నటుడు విజయ్ సేతుపతి, యంగ్ హీరోయిన్ రుక్మిణి వసంత్ జంటగా నటించారు. రొమాంటిక్ క్రైమ్ కామెడీ జానర్లో ఈ చిత్రం తెరకెక్కింది. మే 23న ఈ చిత్రం తెలుగు తమిళ భాషల్లో రిలీజ్ కి రెడీ అవుతోంది.
కేసరి చాప్టర్ 2
అక్షయ్ కుమార్ ప్రధాన పాత్రలో నటించిన కేసరి చాప్టర్ 2 చిత్రం ఆల్రెడీ హిందీలో విడుదలై ప్రశంసలు దక్కించుకుంది. ఈ మూవీలో అనన్య పాండే, రెజీనా, మాధవన్ ఇతర కీలక పాత్రలో నటించారు. కరణ్ సింగ్ త్యాగి దర్శకత్వంలో రూపొందిన ఈ చిత్రం 1919 జలియన్ వాలాబాగ్ సంఘటన ఆధారంగా కథ ఉంటుంది. మే 23న సురేష్ ప్రొడక్షన్ సంస్థ ఈ చిత్రాన్ని తెలుగులో రిలీజ్ చేస్తున్నారు.
భూల్ చుక్ మాఫ్
రాజ్ కుమార్ రావు, వామిక గబ్బి జంటగా నటించిన భూల్ చుక్ మాఫ్ చిత్రం మే 9నే రిలీజ్ కావాల్సింది. ఇండియా, పాకిస్తాన్ ఉద్రిక్తతల నేపథ్యంలో డైరెక్ట్ గా మే 16న ఓటీటీలో రిలీజ్ చేద్దాం అనుకున్నారు. పరిస్థితులు చక్కబడడంతో తిరిగి థియేటర్లలో రిలీజ్ చేస్తున్నట్లు చిత్ర యూనిట్ ప్రకటించింది. మే 23న ఈ చిత్రం థియేటర్స్ లో ప్రేక్షకుల ముందుకు రానుంది.
వైభవం
డెబ్యూ డైరెక్టర్ సాత్విక్ దర్శకత్వంలో రూపొందిన వైభవం చిత్రం మే 23న రిలీజ్ కి రెడీ అవుతోంది. ఈ మూవీలో రుత్విక్, ఇక్రా ఇద్రిసి జంటగా నటించారు. కామెడీ అండ్ రొమాంటిక్ ఎంటర్టైనర్ గా ఈ చిత్రం రూపొందింది.
కేసరి వీర్
బాలీవుడ్ లో మరో హిస్టారికల్ యాక్షన్ డ్రామా ప్రేక్షకుల ముందుకు రాబోతోంది. ప్రిన్స్ థిమన్, కనుబాయి చౌహాన్ దర్శకత్వంలో రూపొందిన కేసరి వీర్ చిత్రం మే 23న రిలీజ్ కి రెడీ అవుతోంది. ఈ మూవీలో సునీల్ శెట్టి, వివేక్ ఒబెరాయ్, ఆకాంక్ష శర్మ కీలక పాత్రలో నటించారు. హిస్టారికల్ మూవీ కావడంతో దీనిపై భారీ అంచనాలు ఉన్నాయి.
ఈ వారం ఓటీటీలో సందడి చేసే చిత్రాలు, వెబ్ సిరీస్ లు
అమెజాన్ ప్రైమ్ లో మే 20 నుంచి మోటార్ హెడ్స్ అనే వెబ్ సిరీస్ స్ట్రీమింగ్ కి రెడీ అవుతోంది. సారా సిల్వర్ మ్యాన్ మే 20 న, రియల్ మెన్ వెబ్ సిరీస్ మే 21న, డివైడ్ రోబో అనే యానిమేషన్ మూవీ మే 24న నెట్ ఫ్లిక్స్ లో స్ట్రీమింగ్ కానున్నాయి.
ఇక జియో హాట్ స్టార్ లో ల్యాండ్ మాన్ వెబ్ సిరీస్ మే 21న, హార్ట్ బీట్ 2 మే 22న స్ట్రీమింగ్ కానున్నాయి.