అక్కినేని హీరోలపై రోజా ప్రశ్న.. సమంత, అమల రియాక్షన్ వైరల్ ? ఇద్దరూ ఒకే ఈవెంట్లో..

సమంత, నాగచైతన్య విడిపోయాక ఎవరి కెరీర్ లో వారు బిజీ అయిపోయారు. నాగచైతన్య, శోభిత ధూళిపాలను రెండో వివాహం చేసుకున్నారు. సమంత కూడా.. డైరెక్టర్ రాజ్ నిడిమోరు తో డేటింగ్ లో ఉన్నట్లు హింట్స్ ఇస్తోంది. అతడితో సన్నిహితంగా ఉన్న ఫోటోలని సమంత స్వయంగా సోషల్ మీడియాలో షేర్ చేస్తోంది.

సమంత చివరగా తెలుగులో ఖుషి చిత్రంలో నటించింది. ఆ తర్వాత మళ్లీ సినిమాల్లో నటించలేదు. ఇటీవల సమంత నిర్మాతగా మారి శుభం అనే చిత్రాన్ని నిర్మించింది. ఈ మూవీలో సమంత గెస్ట్ రోల్ లో మాత్రమే నటించింది. మొత్తంగా నిర్మాతగా తన తొలి ప్రయత్నం సక్సెస్ కావడంతో హ్యాపీగా ఉంది.

రీసెంట్ గా జీ తెలుగులో అప్సర అవార్డుల వేడుక నిర్వహించారు. ఈవెంట్ కి పలువురు సినీ తారలు అతిథులుగా హాజరయ్యారు. దీనికి సంబంధించిన ప్రోమో తాజాగా విడుదలైంది. ప్రోమోని బట్టి చూస్తే అక్కినేని అమల, సమంత ఈవెంట్ కి హాజరైనట్లు తెలుస్తోంది. అమల వేదికపై రోజాతో కలిసి సందడి చేశారు.

అమలని రోజా కొన్ని ఆసక్తికర ప్రశ్నలు అడిగింది. అక్కినేని హీరోలు నాగార్జున, నాగచైతన్య, అఖిల్ కలిసి ఉన్న ఫోటోని చూపిస్తూ వీరిలో ఎవరు ఎక్కువ లేజీ అని రోజా అమలని ప్రశ్నించారు. అమల సమాధానమిస్తూ వాళ్లకంటే నేనే ఎక్కువ లేజీ అని సరదాగా బదులిచ్చింది. రోజా మరో ప్రశ్న అడిగారు.. ఈ ముగ్గురిలో ఎవరు మోస్ట్ హ్యాండ్సమ్ అని ప్రశ్నించింది. కానీ అమల సమాధానం చెప్పకుండా సిగ్గుపడుతూ కనిపించారు. వేదికపై అమలు సిగ్గుపడుతుండగా.. వేదిక కింద సమంత నవ్వుతూ ఉన్నట్లు చూపించారు. ఆ తర్వాత అమల హలో గురు ప్రేమకోసమే సాంగ్ కి డాన్స్ కూడా చేశారు.

అయితే ఈ ఈవెంట్ కి అమల, సమంత ఒకేసారి హాజరయ్యారా.. వేర్వేరు సందర్భాల్లో హాజరయ్యారా అనేది క్లారిటీ లేదు. ప్రోమో కోసం సమంత ఫుటేజ్ ని ఇలా వాడుకుని ఉండొచ్చు. ఈ ఎపిసోడ్ మే 24న టెలికాస్ట్ కానుంది.