విడాకులు తీసుకుంటే క్రెడిట్ స్కోర్‌ పడిపోతుందా?

సాధారణంగా విడాకులు అభిప్రాయాలు కలవక తీసుకుంటారు. ఆలోచనలు, ఐడియాలజీ ఒకేలా ఉండకపోవడం, సర్దుకుపోకపోవడం లాంటి చిన్న కారణాలకే విడాకులు తీసుకుంటారు. వ్యక్తిగత స్వేచ్ఛ కోరుకునే వారు వివాహ బంధంలో ఎక్కువ కాలం కొనసాగలేరు. అందుకే ఇటీవల ఎక్కువ మంది సెలబ్రిటీలు, ధనవంతులు భారీ స్థాయిలో పెళ్లిళ్లు చేసుకొని, సింపుల్ గా విడాకులు తీసుకుంటున్నారు. పిల్లల భవిష్యత్తు, పెద్దల పోషణ వంటి ముఖ్యమైన విషయాలను కూడా పంచుకుంటున్నారు. 

క్రెడిట్ స్కోర్ పై ప్రభావం డైరెక్ట్ గా ఉండదు..

అయితే చాలా మంది అనుకునే విషయం ఏంటంటే విడాకులు తీసుకున్న తర్వాత క్రెడిట్ స్కోర్ తగ్గుతుందని, దీని వల్ల బ్యాంకుల నుంచి ప్రయోజనాలు సరిగ్గా అందవని అనుకుంటారు. అయితే విడాకులు తీసుకున్న తర్వాత క్రెడిట్ స్కోర్ నేరుగా తగ్గదు.

కానీ విడాకుల తరువాత వచ్చే ఆర్థిక మార్పుల వల్ల క్రెడిట్ స్కోర్ ప్రభావితమయ్యే అవకాశం ఉంది. ఉదాహరణకు భార్యభర్తల్లో ఒకరికి చెందిన క్రెడిట్ కార్డు లేదా లోన్ అకౌంట్ ఇద్దరి పేరిట ఉందనుకోండి. విడాకుల తరువాత దానికి సంబంధించిన చెల్లింపులు సమయానికి జరగకపోతే ఇద్దరి క్రెడిట్ స్కోర్‌ మీద ప్రభావం పడుతుంది.
 

సామాన్యంగా క్రెడిట్ స్కోర్‌పై ప్రభావం చూపే అంశాలు ఇవే

జాయింట్ అకౌంట్ లోక్ చెల్లింపుల్లో ఆలస్యం అవుతుంది. ఆస్తుల పంపకాల్లో జరిగిన చట్టపరమైన వివాదాల కారణంగా క్రెడిట్ స్కోర్ ప్రభావితం అవుతుంది. కోర్టు ద్వారా జరిగిన ఆర్థిక బాధ్యతల పంచకంలో ఏదైనా సమయానికి చెల్లించకపోతే క్రెడిట్ స్కోర్ దెబ్బతింటుంది. విడాకుల తర్వాత వచ్చే ఆర్థిక ఒత్తిడిలో కొత్త రుణాలు తీసుకోవడం వల్ల, అవి సకాలంలో చెల్లించకపోవడం వల్ల క్రెడిట్ స్కోర్ దెబ్బతింటుంది. 
 

విడాకుల తరువాత క్రెడిట్ స్కోర్‌ తగ్గకుండా ఉండేందుకు కొన్ని సూచనలు

జాయింట్ అకౌంట్స్ అన్నింటినీ సమీక్షించండి. మీ పేరు మీద ఉన్న లోన్స్ ఈఎంఐలు సమయానికి చేయండి. కోర్టు ఉత్తర్వుల ఆధారంగా ఆర్థిక బాధ్యతలు సక్రమంగా నిర్వహించండి. క్రెడిట్ రిపోర్ట్‌ను ఎప్పటికప్పుడు చెక్ చేసుకుంటూ ఉండండి. 

నిపుణుల సలహాలు తీసుకోండి

క్రెడిట్ స్కోర్‌ను కాపాడుకోవడం ఒక వ్యక్తి భవిష్యత్ ఆర్థిక అవకాశాలను ప్రభావితం చేస్తుంది. కాబట్టి విడాకుల సమయంలో ఫైనాన్షియల్ అంశాలపై స్పష్టత అవసరం. ముందస్తు ప్రణాళిక, భవిష్యత్తు లక్ష్యం కూడా ఇప్పుడే నిర్ణయించుకోవాలి. విడాకులు తప్పదని మీరు డిసైడ్ అయితే తర్వాత మీ క్రెడిట్ స్కోర్ పడిపోకుండా ఫైనాన్షియల్ అడ్వైజర్ సహకారం తీసుకోవడం మంచిదని నిపుణులు సూచిస్తున్నారు.