Credit Card Free Travel Hacks: క్రెడిట్ కార్డ్ తో ఫ్రీ ట్రావెల్.. ఎలాగంటే?

షాపింగ్, డైనింగ్ లేదా ప్రయాణం చేసినప్పుడు మీ క్రెడిట్ కార్డులో రివార్డ్ పాయింట్‌లు జమ అవుతాయి. ఈ పాయింట్‌లను మీరు విమాన టిక్కెట్లు, హోటల్ బుకింగ్‌లు లేదా ఇతర ప్రయాణ ఖర్చుల కోసం రీడీమ్ చేసుకోవచ్చు. ప్రతి ఖర్చుపై రివార్డ్ పాయింట్‌లను పొందడానికి మీ క్రెడిట్ కార్డును తెలివిగా ఉపయోగించండి. పాయింట్‌లను ట్రావెల్ రివార్డ్‌లుగా మార్చుకోండి. దీంతో మీరు ఫ్రీగా ప్రయాణాలు చేయవచ్చు. 

చాలా క్రెడిట్ కార్డులు మీకు ప్రయాణ భీమాను అందిస్తాయి. అంటే మీ విమాన రద్దు, బ్యాగ్ నష్టం లేదా వైద్య అత్యవసర ఖర్చులను కవర్ కూడా చేస్తుంది. అదనంగా, కొన్ని క్రెడిట్ కార్డులు హోటల్ చెక్-ఇన్, చెక్అవుట్ సమయాన్ని పొడిగించే సౌలభ్యాన్ని కూడా అందిస్తాయి. ఈ ఉచిత ప్రయోజనాలను ఉపయోగించుకోండి. అదనపు ఖర్చు లేకుండా మీ ట్రిప్‌ను ఎంజాయ్ చేయండి.

చాలా క్రెడిట్ కార్డులు విమానయాన సంస్థలతో భాగస్వామ్యం కలిగి ఉంటాయి. దీంతో మీరు విమానయాన సంస్థ ప్రయాణాలను మీ కార్డ్ రివార్డ్‌లతో కలపవచ్చు. దీని అర్థం మీరు క్రెడిట్ కార్డ్ రివార్డ్ పాయింట్‌లను విమానయాన ప్రయాణాల కోసం ఉపయోగించుకోవచ్చు. అంటే క్రికెట్ కార్డు రివార్డు పాయింట్లతో ఉచిత విమాన ప్రయాణాలు పొందవచ్చు. మీ క్రెడిట్ కార్డుకు విమానయాన భాగస్వామ్యం ఉందో  లేదో తెలుసుకోండి. ఉంటే మీ ట్రావెల్ ను కోసం ఈ రికార్డును ఉపయోగించుకోండి.

చాలా క్రెడిట్ కార్డులు ప్రయాణ రంగంలో ప్రత్యేక ఆఫర్‌లను అందిస్తాయి, అవి విమానాలపై డిస్కౌంట్, హోటల్ బుకింగ్‌లపై క్యాష్‌బ్యాక్ లేదా ప్రయాణ ప్యాక్‌లపై ఆఫర్ల లాంటివి. ఈ ఆఫర్‌లను ట్రాక్ చేయడానికి మీరు కార్డ్ ప్రొవైడర్ వెబ్‌సైట్ లేదా యాప్‌ని ఉపయోగించాలి. మీ క్రెడిట్ కార్డులో ప్రయాణ డిస్కౌంట్‌లు, ఆఫర్ల వివరాలు తెలుసుకుని తక్కువ ఖర్చుతో ప్రయాణాలు చేయవచ్చు. 

కొన్ని క్రెడిట్ కార్డులు ప్రయాణాలపై ఖర్చు చేసిన డబ్బుపై అదనపు రివార్డ్‌లను అందిస్తాయి. ఇటువంటి కార్డులను ఎంచుకోవడం ద్వారా మీరు తక్కువ సమయంలో ఎక్కువ పాయింట్లను పొందవచ్చు. దీంతో ట్రిప్ సమయంలో మీ ఖర్చులు తగ్గుతాయి. విమానాలు, హోటల్ బుకింగ్‌లు, రెస్టారెంట్‌లపై ఎక్కువ రివార్డ్ పాయింట్‌లను అందించే ప్రయాణ-ఆధారిత క్రెడిట్ కార్డులను ఎంచుకోండి.