Birth Date: ఏ తేదీల్లో పుట్టిన వారికి ఏ నెంబర్, ఏ రంగు అదృష్టాన్ని తెస్తుందో తెలుసా?

జోతిష్యశాస్త్రం మాదిరిగానే.. న్యూమరాలజీ కూడా మన జీవితాన్ని చాలా ఎక్కువగా ప్రభావితం చేస్తుంది. న్యూమరాలజీ అంటే మనం పుట్టిన తేదీని ఆధారంగా చేసుకొని మన జీవితం ఎలా సాగుతుంది..? మన వ్యక్తిత్వం ఎలా ఉంటుంది? మనం ఏ కెరీర్ ని ఎంచుకుంటే జీవితం సంతోషంగా సాగుతుందో తెలుసుకోవచ్చు. అదేవిధంగా ఏ తేదీలో పుట్టిన వారికి ఏ నెంబర్ అదృష్టాన్ని తెస్తుందో, ఏ రంగు వారికి మేలు చేస్తుందో తెలుసుకుందాం...

ఏ నెలలో అయినా 1, 10, 19,28 తేదీల్లో జన్మించిన వారంతా నెంబర్ 1 కిందకు వస్తారు. వీరిపై సూర్యుడి ప్రభావం చాలా ఎక్కువగా ఉంటుంది.ఈ తేదీల్లో పుట్టిన వారికి ఎప్పుడూ నూతన అవకాశాలు వస్తూనే ఉంటాయి. ముఖ్యంగా వృత్తి పరంగా వీరు విజయం సాధించగలరు. కుటుంబ సభ్యులతో ఎక్కువ ప్రేమను పొందుతారు. అయితే.. ఈ తేదీల్లో పుట్టిన వారు ముఖ్యమైన తేదీల్లో తెలుపు రంగు ధరిస్తే, వారికి మంచి జరిగే అవకాశం ఎక్కువగా ఉంటుంది. వీరి అదృష్ట సంఖ్య 3

ఏ నెలలో అయినా 2, 11, 20, 29 తేదీల్లో జన్మించిన వారంతా నెంబర్ 2 కిందకు వస్తారు. వీరిపై చంద్రుడి అనుగ్రహం ఎక్కువగా ఉంటుంది. ఈ తేదీల్లో పుట్టిన వారు ఎమోషనల్ గా బ్యాలెన్స్డ్ గా ఉండాలి. అప్పుడే వీరికి మంచి ఫలితాలు లభిస్తాయి. ఇక.. ఈ తేదీల్లో జన్మించిన వారికి పసుపు రంగు శుభప్రదం. అదృష్ట సంఖ్య 5.

ఏ నెలలో అయినా 3, 12, 21, 30 తేదీల్లో జన్మించిన వారంతా నెంబర్ 3 కిందకు వస్తారు. వీరు కష్టపడితే.. జీవితంలో గొప్ప పేరును సాధించగలరు. కుటుంబంలో కొంత సమస్యలు వచ్చినా... వాటిని పరిష్కరించగలరు. వీరికి వారి జీవిత భాగస్వామి ఎప్పుడూ అండగా ఉంటారు. వారి మద్దతు వీరికి ధైర్యంగా ఉంటుంది. ఈ రాశివారికి ఎరుపు రంగు అదృష్టాన్ని తెస్తుంది. అదృష్ట సంఖ్య 2

ఏ నెలలో అయినా 4, 13, 22, 31 తేదీల్లో జన్మించిన వారు నెంబర్ 4 కిందకు వస్తారు. వీరిపై రాహువు ప్రభావం ఎక్కువగా ఉంటుంది. అయితే.. ఈ తేదీల్లో జన్మించిన వారు వృత్తిపరంగా చాలా జాగ్రత్తగా ఉండాలి. ఆర్థికంగా ఏవైనా నిర్ణయాలు తీసుకునే సమయంలో జాగ్రత్తలు వహించాలి. ఈ రాశివారికి నలుపు రంగు శుభ ఫలితాలను ఇస్తుంది. అదృష్ట సంఖ్య 7

ఏ నెలలో అయినా 5, 14, 23 తేదీల్లో జన్మించిన వారు నెంబర్ 5 కిందకు వస్తారు. వీరు ఎంత కష్టపడితే అంత మంచి ఫలితాలు లభిస్తాయి. వీరు కోపాన్ని కంట్రోల్ లో ఉంచుకుంటేనే ఏదైనా సాధించగలరు. వీరికి గులాబీ రంగు శుభ ఫలితాలను ఇస్తుంది. ఇక, వీరి అదృష్ట సంఖ్య 1

ఏ నెలలో అయినా 6, 15, 24 తేదీల్లో జన్మించిన వారు అందరూ నెంబర్ 6 కిందకు వస్తారు. వీరు అందరితోనూ చాలా స్నేహంగా ఉంటారు. వీరు ఉద్యోగంలో కంటే వ్యాపారంలో ఎక్కువగా రాణించగలరు. జీవిత భాగస్వామి సపోర్ట్ ఉంటే వీరి లైఫ్ బాగుంటుంది. గోల్డ్ రంగు వీరికి అదృష్టాన్ని తెస్తుంది. అదృష్ట సంఖ్య 8.

ఏ నెలలో అయినా 7, 16, 25 తేదీల్లో జన్మించిన వారు ఈ నెంబర్ 7 కిందకు వస్తారు. వీరు కూడా కష్టపడితే పనిలో విజయం సాధించగలరు. ముఖ్యంగా రాజకీయ, సామాజిక అంశాలకు సంబంధించిన రంగాల్లో వీరు రాణించగలరు. ఆకుపచ్చ రంగు వీరికి శుభ ఫలితాలను ఇస్తుంది. అదృష్ట సంఖ్య 2.

ఏ నెలలో అయినా 8, 17, 26 తేదీల్లో జన్మించిన వారు నెంబర్ 8 కిందకు వస్తారు. ఈ తేదీల్లో పుట్టినవారికి కాస్త అదృష్టం ఎక్కువగా ఉంటుంది. తాతలు, తండ్రుల ఆస్తులు వీరికి బాగా వచ్చే అవకాశం ఉంది. పసుపు రంగు వీరికి శుభ ఫలితాలను ఇస్తుంది. అదృష్ట సంఖ్య 9.

ఏ నెలలో అయినా 9, 18, 27 తేదీల్లో జన్మించిన వారు నెంబర్ 9 కిందకు వస్తారు. వీరు ఆధ్యాత్మికతను నమ్ముకుంటే ఎక్కువ మంచి జరగుతుంది. ఈ తేదీల్లో జన్మించిన వారికి గులాబీ రంగు అదృష్టాన్ని తెస్తుంది. అదృష్ట సంఖ్య 6.