క్రీడా వీడియోలు

గుంటూరుకు చెందిన షేక్ రషీద్ చెన్నై సూపర్ కింగ్స్ తరపున ఐపీఎల్ ఎంట్రీ అద‌రిపోయింది. తన తొలి ఐపీఎల్ మ్యాచ్ లో రషీద్ దూకుడుగా ఆడుతూ 19 బంతుల్లో 6 బౌండరీలతో 27 పరుగులు చేశాడు. రచిన్ రవీంద్రతో కలిసి సీఎస్కే ఇన్నింగ్స్ ను ప్రారంభించాడు. రషీద్ కొట్టిన షాట్స్ చూసిన కామెంటర్స్ అతను విరాట్ కోహ్లీ షేడ్స్ ను కలిగి ఉన్నాడని కామెంట్స్ చేశాడు. ఈ యంగ్ ప్లేయర్ కు మంచి భవిష్యత్తు ఉందని ప్రశంసలు కురిపించారు.

KL Rhaul: చిన్నస్వామి స్టేడియంలో రాయల్ ఛాలెంజర్స్ బెంగళూరు మరో ఓటమిని ఎదుర్కొంది. ఇండియన్ ప్రీమియర్ లీగ్ (ఐపీఎల్) 2025 24వ మ్యాచ్ లో ఢిల్లీ క్యాపిటల్స్ తో రాయల్ ఛాలెజంర్స్ బెంగళూరు తలపడింది. బ్యాటింగ్, బౌలింగ్ తో అదరగొడుతూ ఆర్సీబీని డీసీ 6 వికెట్ల తేడాతో ఓడించింది. ఈ మ్యాచ్ లో టాస్ గెలిచిన ఢిల్లీ కెప్టెన్ అక్ష‌ర్ ప‌టేల్ ముందుగా బౌలింగ్ ఎంచుకున్నాడు. దీంతో మొద‌ట బ్యాటింగ్ చేసిన ఆర్సీబీ 20 ఓవర్లలో 7 వికెట్లు కోల్పోయి 163 పరుగులు చేసింది. 164 ప‌రుగుల టార్గెట్ తో బ్యాటింగ్ కు దిగిన ఢిల్లీ క్యాపిట‌ల్స్ 17.5 ఓవర్లలో 4 వికెట్లు కోల్పోయి 169 పరుగులు చేసి విజయాన్ని అందుకుంది. అయితే, ఈ మ్యాచ్ లో విరాట్ కోహ్లీ ఆర్సీబీ ఓడిపోవడానికి ప్రధాన కారణం కేఎల్ రాహుల్. ఆరంభంలో వికెట్లు కోల్పోయి ఇబ్బంది పడుతున్న సమయంలో క్రీజులోకి వచ్చిన కేఎల్ రాహుల్ అద్బుతమైన నాక్ తో చివరివరకు క్రీజులో ఉండి ఢిల్లీ క్యాపిటల్స్ కు విజయాన్ని అందించాడు.

Priyansh Arya: తన తొలి ఐపీఎల్ సీజన్ లోనే అద‌రిపోయే ఇన్నింగ్స్ లు ఆడుతున్న యంగ్ ప్లేయ‌ర్ ప్రియాంశ్ ఆర్య‌.. మరోసారి దుమ్మురేపే బ్యాటింగ్ తో దిగ్గ‌జ బౌల‌ర్ల‌ను చెడుగుడు ఆడుకున్నాడు. వ‌రుస‌గా ఫోర్లు, సిక్స‌ర్లు బాదుతూ ముల్ల‌న్ పూర్ లో ప‌రుగుల సునామీ సృష్టించాడు. ఐపీఎల్ హిస్ట‌రీలో 4వ ఫాస్టెస్ట్ సెంచ‌రీ కొట్టాడు. దేశ‌వాళీ క్రికెట్ లో ఆరు బంతుల్లో ఆరు సిక్స‌ర్లు బాది సంచ‌న‌ల రేపిన ప్రియాంశ్ ఆర్య‌.. ఐపీఎల్ పంజాబ్ కింగ్ త‌ర‌ఫున ఆడుతూ చెన్నై సూప‌ర్ కింగ్స్ పై హ్యాట్రిక్ పోర్లు, సిక్స‌ర్లతో మరోసారి త‌న బ్యాటింగ్ తో దుమ్మురేపాడు.

Sunrisers Hyderabad (SRH): ఇండియన్ ప్రీమియర్ లీగ్ (ఐపీఎల్) 2025లో బ్యాటింగ్, బౌలింగ్, ఫీల్డింగ్ అద్భుతాలతో సూపర్ షోగా కొనసాగుతోంది. ఇక సన్‌రైజర్స్ హైదరాబాద్ (SRH) తన వైల్డ్ ఫైర్ గేమ్ తో దుమ్మురేపుతోంది. ప్రత్యర్థి జట్లకు దడపుట్టిస్తోంది. ఇలాంటి సమయంలో సన్ రైజర్స్ హైదరాబాద్- హైదరాబాద్ క్రికెట్ అసోసియేషన్ (HCA) మధ్య వివాదం రచ్చ లేపుతోంది. ఇటీవల కాంప్లిమెంటరీ టిక్కెట్ల విషయంలో తలెత్తిన వివాదం మరింత ముదురుతూ ఇరు వర్గాలు బహిరంగంగానే హాట్ కామెంట్స్ చేశాయి. ఇదే సమయంలో సన్ రైజర్స్ హైదరాబాద్ తన హోమ్ ను మార్చడానికి అంతా సెట్ చేసుకుంటున్నదనే టాక్ కూడా క్రికెట్ వర్గాల్లో హాట్ టాపిగా మారింది.

ఇండియన్ ప్రీమియర్ లీగ్ లో విధ్వంసకర బ్యాటింగ్ లైనప్ ఉన్న జట్లలో సన్ రైజర్స్ హైదరాబాద్ టాప్ లో ఉంటుంది. పరుగుల దాహంతో క్రీజులోకి వచ్చి పూనకాలు వచ్చినట్లు ఊగిపోతూ భారీ షాట్లు ఆడే బ్యాటర్లతో ఈ జట్టు నిండిపోయింది. బంతిని పిచ్చకొట్టుకు కొడుతూ బౌలర్లకు ఉతికారేయడమే హైదరాబాద్ బ్యాటర్లకు తెలిసింది. ఇలా ధనాధన్ హిట్లర్లరు కలిగివుండటం ఎస్ఆర్‌హెచ్‌ బలమే కాదు బలహీనత కూడా.

RCB vs GT IPL 2025: ఇండియన్ ప్రీమియర్ లీగ్ (ఐపీఎల్) లో రాయల్ ఛాలెంజర్స్ బెంగళూరు కోసం అద్భుతమైన బౌలింగ్ తో అదరగొట్టే ఇన్నింగ్స్ ల‌ను ఆడాడు. ఆర్సీబీ జట్టుకు చాలానే విజయాలు అందించాడు. అయితే, ఆ టీమ్ తనను వద్దనుకుంది. ఐపీఎల్ మెగా వేలానికి ముందు తనను వదులుకుంది. తనను వదులుకున్న ఆర్సీబీపై వారి సొంత గ్రౌండ్ లో సూప‌ర్ బౌలింగ్ తో విధ్వంసం సృష్టించాడు సిరాజ్ మియా. పెద్ద‌గా ప‌రుగులు ఇవ్వ‌కుండా కీల‌క‌మైన 3 వికెట్లు తీసుకుని ఆర్సీబీని దెబ్బ‌కొట్టి గుజ‌రాత్ టైటాన్స్ కు విజ‌యాన్ని అందించాడు.

youngest IPL captains: ఇండియ‌న్ ప్రీమియ‌ర్ లీగ్ (ఐపీఎల్) 2025 చాలా మంది యంగ్ ప్లేయ‌ర్లు మెరుపులు మెరిపిస్తున్నారు. రాజస్థాన్ రాయల్స్ కెప్టెన్‌గా ఉన్న రియాన్ పరాగ్ ఎంట్రీ అంద‌రినీ ఆశ్చర్యపరిచింది. ఎందుకంటే అతను కేవలం 23 సంవత్సరాల వయసులో కెప్టెన్సీ పొందాడు. అయితే, ఐపీఎల్ హిస్ట‌రీలో టాప్-5 అతి పిన్న వయస్కులైన కెప్టెన్లు (యంగెస్ట్ కెప్టెన్లు) ఎవ‌రో ఇప్పుడు తెలుసుకుందాం.

వీడు క్రీజులోకి వచ్చాడంటే బౌండరీ చిన్నబోవాల్సిందే... .ప్రత్యర్థి బౌలర్లకు ఊచకోత తప్పదు. అందుకే వీడిని తెలుగు ఫ్యాన్స్ ముద్దుగా 'కాటేరమ్మ కొడుకు' అని పిలుచుకుంటారు... ఈ పేరు అతడికి సరిగ్గా సరిపోతుంది. సలార్ మూవీలో కాటేరమ్మ ఫైట్ హైలైట్... కానీ ఐపిఎల్ మూవీలో మన కాటేరమ్మ కొడుకు క్లాసేన్ ఊచకోతే హైలైట్. మైదానంలో అడుగుపెట్టాడంటే అతడు పూనకంతో ఊగిపోతాడు. పరుగుల దాహాన్ని తీర్చుకోవాలని పరితపిస్తాడు. మొత్తంగా ప్రత్యర్థులను పిండి ఆరేస్తాడు. అందువల్లే ఇతడి బ్యాటింగ్ ను ఇష్టపడని అభిమాని ఉండడంతే అతిశయోక్తి కాదు.

IPL Umpires' salary: క్రికెట్ ప్రపంచంలో బ్యాటింగ్, బౌలింగ్‌లో అదరగొడుతూ ఆటగాళ్లు కోట్లల్లో సంపాదిస్తున్నారు. బ్రాండ్ ఎండోర్స్‌మెంట్‌ల ద్వారా మరింత ఆదాయాన్ని అందుకుంటారు. అయితే, మ్యాచ్‌ను సజావుగా నడిపించడంలో కీల‌క పాత్ర పోషించే అంపైర్ల రెమ్యునరేషన్ ఎంత? ఒక్కో మ్యాచ్‌కు ఎంత సంపాదిస్తారు? ఐపీఎల్ లో అంపైర్లు ఎంత సాల‌రీ తీసుకుంటారు? ఒక్కో మ్యాచ్ కు ఎంత పారితోషికం పొందుతారో ఇప్పుడు తెలుసుకుందాం.

ఐపీఎల్‌.. యువ క్రికెటర్లకు అద్భుతమైన వేదిక అని మరోసారి రుజువైంది. టీమ్‌ఇండియాకు ఆడుతోన్న చాలామంది కుర్రాళ్లు ఈ లీగ్‌లోనే మెరిసి సెలక్టర్ల దృష్టిని ఆకర్షించారు. ఈ జాబితాలోకి మరో యువ స్పిన్నర్ విఘ్నేశ్‌ పుతుర్ (Vignesh Puthur) చేరాడు. తొలిసారి ఐపీఎల్‌లో అడుగుపెట్టిన ఈ కుర్రాడు నాణ్యమైన ప్రదర్శనతో దిగ్గజం ఎంఎస్ ధోనీ నుంచి మెప్పు పొందడం విశేషం. ముంబయి తరఫున బరిలోకి దిగిన విఘ్నేశ్‌ నాలుగు ఓవర్ల కోటాలో 32 పరుగులు ఇచ్చి 3 వికెట్లు పడగొట్టాడు. స్పిన్‌ బౌలింగ్‌ను దంచేసే దీపక్ హుడా, శివమ్‌ దూబెను ఔట్ చేశాడు. దూకుడుగా ఆడిన రుతురాజ్‌ను కూడా పెవిలియన్‌కు పంపాడు. రోహిత్‌కు బదులు ఇంపాక్ట్‌గా వచ్చి సత్తా చాటాడు. మరి ఇలాంటి ప్రదర్శన చేసిన విఘ్నేశ్‌ చిన్నప్పటినుంచి ఎన్నో కష్టాలను ఎదుర్కొని ఈ స్థాయికి చేరాడంటే అద్భుతమనే చెప్పాలి.