Facts: విమానాలు తెలుపు రంగులోనే ఎందుకు ఉంటాయి.? ఎప్పుడైనా ఆలోచించారా.?

విమానాల‌న్నీ తెలుపు రంగులోనే ఉంటాయ‌ని ప్ర‌త్యేకంగా చెప్పాల్సిన ప‌నిలేదు. కొన్ని సంద‌ర్భాల్లో ఏవైనా సినిమా ప్ర‌మోష‌న్స్‌లో భాగంగానే విమానాల‌కు పోస్ట‌ర్ల‌ను వేస్తుంటారు. కానీ అన్ని విమానాలు తెలుపు రంగులోనే ఉంటాయి. అయితే ఇలా తెలుపు రంగులో ఉండడానికి అస‌లు కార‌ణం ఏంటో ఇప్పుడు తెలుసుకుందాం.

తెలుపు రంగు బరువును తగ్గిస్తుంది

విమానానికి రంగు వేసే ప్రక్రియలో పెయింట్ కూడా బరువును పెంచుతుంది. డార్క్ క‌లర్ వాడితే ఎక్కువ కోట్స్ అవసరం అవుతాయి, దీని వల్ల విమాన బరువు సుమారు 600-800 కిలోల వరకు పెరుగుతుంది. ఇది ఎనిమిది మంది ప్రయాణికుల బరువుకు సమానం. బరువు పెరిగితే ఇంధన వినియోగం పెరుగుతుంది, కాబట్టి ఎయిర్‌లైన్స్ తెలుపు రంగునే ఎంచుకుంటాయి.

విమానంపై చిన్న గీతలు లేదా పగుళ్లు రావడం భద్రతాపరమైన సమస్య. తెలుపు రంగు వాడితే ఇవి వెంటనే స్పష్టంగా కనిపిస్తాయి, ఇంజినీర్లు చెక్ చేసి తక్షణం రిపేర్ చేయగలరు. డార్క్ క‌ల‌ర్స్‌లో ఇవి కనిపించకపోవచ్చు, ఇది ప్రమాదాలకు దారి తీసే అవకాశం ఉంటుంది.

తెలుపు రంగు సూర్యరశ్మిని ప్రతిబింబిస్తుంది, వేడిని తక్కువగా గ్రహిస్తుంది. దీని వల్ల విమాన శరీర ఉష్ణోగ్రత తగ్గి, ఎయిర్ కండిషనింగ్ సిస్టమ్‌పై ఒత్తిడి తగ్గుతుంది. ఇది ప్రయాణికుల కంఫర్ట్‌కి కూడా ఉపయోగపడుతుంది, అలాగే ఇంధన వినియోగాన్ని తగ్గిస్తుంది.

డార్క్ కలర్ పెయింట్ సూర్యరశ్మిలో త్వరగా మసకబారుతుంది, తరచూ రీ-పెయింట్ చేయాలి. కానీ తెలుపు రంగు ఎక్కువకాలం నిల్వ ఉంటుంది, మెయింటెనెన్స్ ఖర్చులు కూడా తక్కువగా ఉంటాయి. అంతర్జాతీయ ఎయిర్‌లైన్స్ ఖర్చు తగ్గించడానికి ఈ అంశాన్ని కూడా పరిగణనలోకి తీసుకుంటాయి.

రీసేల్ విలువ ఎక్కువగా ఉంటుంది

విమానాలు ఎయిర్‌లైన్‌ల మధ్య అమ్మకానికి లేదా లీజ్‌కి వెళ్తాయి. తెలుపు రంగు న్యూట్రల్‌గా ఉండటం వలన, దానిని సులభంగా మళ్లీ బ్రాండ్ కలర్‌కి మార్చుకోవచ్చు. దీని వలన రీసేల్ విలువ కూడా ఎక్కువగా ఉంటుంది.

* స్పేస్, సివిల్ ఏవియేషన్ రీసెర్చ్ డేటా ప్రకారం, తెలుపు రంగు విమానాలపై UV రేడియేషన్ ప్రభావం తక్కువగా ఉంటుంది.

* NASA, Boeing అధ్యయనాల ప్రకారం, తెలుపు రంగు ఉపయోగించడం వల్ల ఇంధన వినియోగం వార్షికంగా వేల లీటర్ల వరకు తగ్గుతుంది.