సింధూర్ నుంచి బాలాకోట్ వరకు.. ఇండియన్ ఆర్మీ సాధించిన విజయాలు

ఆపరేషన్ సింధూర్ శత్రువు మూలాలపై ప్రత్యక్ష దాడి. పాకిస్తాన్, పీఓకేలోని జైష్, లష్కర్‌కు చెందిన 9 స్థావరాలను భారత సైన్యం ఒకేసారి పేల్చివేసింది. అర్ధరాత్రి తర్వాత భారత వైమానిక దళం పాకిస్తాన్, పాక్ ఆక్రమిత కాశ్మీర్‌పై వైమానిక దాడి చేసింది. ఇందులో 7 నగరాల్లోని 9 ఉగ్రవాద స్థావరాల నుంచి 100 కంటే ఎక్కువ మంది ఉగ్రవాదులు మరణించారు. భారతదేశం ఈ ప్రతీకార చర్యను పెహల్గామ్ ఉగ్రవాద దాడి జరిగిన 15 రోజుల తర్వాత తీసుకుంది. ఈ ఆపరేషన్ ఏప్రిల్ 22, 2025న పెహల్గామ్‌లో ఉగ్రవాదులు హత్య చేసిన మహిళల భర్తలకు అంకితం చేశారు. 

బాలాకోట్ వైమానిక దాడి పాకిస్తాన్‌పై గట్టి దెబ్బ. పుల్వామా దాడి జరిగిన 12 రోజుల తర్వాత, భారతదేశం పీఏఎఫ్ (పాకిస్తాన్ వైమానిక దళం) కింద బాలాకోట్‌లోని జైష్-ఎ-మొహమ్మద్ ఉగ్రవాద శిబిరాలను ధ్వంసం చేసింది. మిరాజ్ 2000 జెట్‌లతో అటాక్ చేశారు. 

2016లో, భారతదేశం మొదటిసారి పాకిస్తాన్ సరిహద్దును దాటి దాడి చేసింది. ఉరి దాడికి ప్రతిస్పందనగా, భారత సైన్యం ఎల్‌ఓసీని దాటి ఉగ్రవాద స్థావరాలను నాశనం చేసింది. 

ఆపరేషన్ విజయ్ నేటికీ అందరి మదిలో ఉంది. భారత సైన్యం పాకిస్తాన్‌ను దారుణంగా తరిమికొట్టింది. 1999లో, పాకిస్తాన్ సైన్యం కార్గిల్ కొండలలోకి చొరబడింది. భారతదేశం ప్రతిస్పందనగా ఆపరేషన్ విజయ్‌ను ప్రారంభించింది. దాదాపు రెండు నెలల పోరాటం తర్వాత, భారతదేశం ఆక్రమిత ప్రాంతాలన్నింటినీ తిరిగి స్వాధీనం చేసుకుంది. ఈ ఆపరేషన్ భారత సైన్యం ధైర్యసాహసాలకు, వ్యూహానికి నిదర్శనంగా నిలిచింది. 

ప్రపంచంలోనే ఎత్తైన యుద్ధభూమి సియాచిన్‌పై భారతదేశం మొదట అడుగుపెట్టింది. ఈ ఆపరేషన్ భారతదేశ వ్యూహం,  ధైర్యానికి చిహ్నం, ఇది నేటికీ కొనసాగుతోంది. సియాచిన్ హిమానీనదంపై నియంత్రణ సాధించడానికి భారత సైన్యం ఏప్రిల్ 13, 1984న ఆపరేషన్ మేఘదూత్‌ను ప్రారంభించింది. ఇది ప్రపంచంలోనే ఎత్తైన యుద్ధభూమిపై జరిగిన మొదటి దాడి, దీనిలో భారత సైన్యం హిమానీనద శిఖరాలను సొంతం చేసుకొని పాకిస్తానీయులకు మన బలం ఏమిటో చూపించింది.