రష్మిక మందన్న చేత స్టేజ్‌పైనే కన్నీళ్లు పెట్టించిన విజయ్ దేవరకొండ, ఆమె గురించి అలా అనేసరికి..

రష్మిక మందన్న, విజయ్ దేవరకొండ పెళ్లి చేసుకుని రెండు నెలలు కావొస్తోంది. కొన్నేళ్లు డేటింగ్ చేసిన ఈ జంట.. చివరికి పెళ్లితో ఒక్కటైంది. పెళ్లి తర్వాత ఇద్దరూ తమ సినిమాలతో బిజీగా ఉన్నారు. కొన్ని రోజలు హడావిడి చేసిన ఈ జంట.. ప్రస్తుతం  ఎవరి పని వారు చూసుకుంటున్నారు. 

ఈ జంట ఇప్పటికే తమ లవ్​ స్టోరీ గురించి చాలాసార్లు చెప్పుకొచ్చారు. విజయ్ దేవరకొండ రష్మికను, రష్మిక విజయ్‌ను ఒకరినొకరు బాగా పొగుడుకున్నారు.ఇప్పుడు తాజాగా ఓ కార్యక్రమంలో అందరి ముందు విజయ్ దేవరకొండ చెప్పిన మాటలు.. రష్మిక మందన్న కన్నీళ్లకు కారణమయ్యాయి.

అసలు రష్మిక అంటే  తనకెందుకు అంత ఇష్టమో విజయ్ ఈ ఈవెంట్‌లో చెప్పాడు. రష్మిక గురించి విజయ్ చాలా గొప్పగా మాట్లాడాడు. ఆ మాటలకే ఆమె ఆనందంతో కన్నీళ్లు పెట్టుకుంది. 'రష్మిక ఒక అద్భుతమైన మహిళ. ఎంత నెగెటివిటీ వచ్చినా ఆమె అస్సలు పట్టించుకోదు. తన పని తాను చేసుకుపోతుంది. అందరిపై ప్రేమ, దయ చూపిస్తుంది' అని విజయ్ అన్నాడు.

" నన్నేమైనా అంటే వెంటనే ఇచ్చిపడేస్తాను.. కానీ రష్మిక అలా కాదు ఓపికగా భరిస్తుంది. లేదంటే పట్టించుకోవడం మానేస్తుంది.  ఈ ప్రపంచం నన్ను మార్చకూడదని నేను కోరుకుంటాను. అలాగే రష్మిక కూడా నన్ను మార్చాలని చూడదు. డిమాండ్ ఎక్కువగా ఉండే ఈ ఇండస్ట్రీలో తన వ్యక్తిత్వాన్ని కాపాడుకోవడానికి ఆమె ఎప్పుడూ ప్రయత్నిస్తుంది" అని విజయ్  అన్నాడు.