ఎన్టీఆర్ తో మాత్రమే కాదు.. వెంకీ, ప్రభాస్ తో కూడా కన్నడ సెన్సేషనల్ బ్యూటీ రొమాన్స్ ?

గుంటూరు కారం తర్వాత స్టార్ డైరెక్టర్ త్రివిక్రమ్ శ్రీనివాస్ తన తదుపరి సినిమాను ఐకాన్ స్టార్ అల్లు అర్జున్‌తో చేయాలని భావించారు. పురాణాల నేపథ్యంలో త్రివిక్రమ్ కథ కూడా రెడీ చేసుకున్నారు. కానీ అల్లు అర్జున్, త్రివిక్రమ్ సినిమా కంటే ముందుగా అట్లీ దర్శకత్వంలో నటించేందుకు మొగ్గు చూపారు. దీనితో త్రివిక్రమ్ ఈ గ్యాప్ లో మరో హీరోతో సినిమా చేయాలని డిసైడ్ అయినట్లు తెలుస్తోంది.

ఈ క్రమంలో త్రివిక్రమ్ దర్శకత్వంలో వెంకటేష్ హీరోగా ఓ సినిమా రాబోతుందన్న వార్తలు ఇటీవల వైరల్ అయ్యాయి. అయితే ఇప్పటివరకు ఈ ప్రాజెక్టుపై అధికారికంగా ఎలాంటి ప్రకటన రాలేదు. అయినా సరే, ఈ వార్తలు సినీ వర్గాల్లో చర్చనీయాంశంగా మారాయి.

తాజా సమాచారం ప్రకారం, ఈ చిత్రంలో కథానాయికగా రుక్మిణి వసంత్ ఎంపికయ్యే అవకాశం ఉంది. ఆమెకు ఇప్పటికే కథను త్రివిక్రమ్ వినిపించినట్లు తెలుస్తోంది. ఆమె నుంచి తుది నిర్ణయం రావాల్సి ఉంది. రుక్మిణి వసంత్ ప్రస్తుతం ఎన్టీఆర్-ప్రశాంత్ నీల్ సినిమాలో నటిస్తున్నట్లు తెలుస్తోంది. ప్రభాస్-సందీప్ రెడ్డి వంగా తెరకెక్కించనున్న స్పిరిట్ చిత్రానికి కూడా పరిశీలనలో ఉన్నట్లు ఫిలింనగర్ వర్గాల నుంచి వినిపిస్తోంది. దీపికా పదుకొనె ఈ చిత్రం నుంచి తప్పుకోవడంతో స్పిరిట్ చిత్రంలో ఆమెకు అవకాశం దక్కినట్లు వార్తలు వినిపిస్తున్నాయి.

వెంకటేష్‌తో త్రివిక్రమ్ గతంలో ఓ సినిమా ప్రకటించినప్పటికీ, అది వివిధ కారణాల వల్ల సాధ్యపడలేదు. ఇప్పుడు మళ్లీ ఈ కాంబినేషన్ తెరపైకి వస్తున్నందుకు ప్రేక్షకుల్లో ఆసక్తి పెరిగింది. ఈ ప్రాజెక్టును హారిక అండ్ హాసిని క్రియేషన్స్ బ్యానర్‌పై సూర్యదేవర రాధాకృష్ణ నిర్మించనున్నారని సమాచారం. త్వరలో ఈ ప్రాజెక్ట్‌పై అధికారిక ప్రకటన రావొచ్చని భావిస్తున్నారు.

వెంకటేష్ చివరగా సంక్రాంతికి వస్తున్నాం చిత్రంతో భారీ విజయం అందుకున్నారు. ఈ మూవీ వెంకీ కెరీర్ లోనే బిగ్గెస్ట్ హిట్ గా నిలిచింది. వెంకీ, త్రివిక్రమ్ అనుబంధం ఇప్పటిది కాదు.. నువ్వు నాకు నచ్చావ్, మల్లీశ్వరి చిత్రాలకు త్రివిక్రమ్ రచయితగా పనిచేశారు.