డైరెక్టర్‌కి హార్ట్ ఎటాక్‌, సినిమా డైరెక్ట్ చేసి ఇండస్ట్రీ హిట్‌ కొట్టిన సూపర్‌ స్టార్‌, కనీసం క్రెడిట్‌ లేదు

సూపర్‌ స్టార్‌ కృష్ణ కెరీర్‌లో ఎన్నో భారీ సినిమాలున్నాయి. బాక్సాఫీసుని షేక్‌ చేసిన మూవీస్‌ ఉన్నాయి. ఎన్టీఆర్‌ తర్వాత ఆ స్థాయి మాస్‌ ఇమేజ్‌, యాక్షన్‌ ఇమేజ్‌ తెచ్చుకున్న హీరో కూడా కృష్ణనే. యాక్షన్‌ సినిమాలతోనే ఎక్కువగా రాణించారు. విజయాలు అందుకున్నారు. బాక్సాఫీసుకి పూనకాలు తెప్పించారు. 
 

ఇదిలా ఉంటే సూపర్‌స్టార్‌ కృష్ణ తన కెరీర్‌లో సుమారు 16 సినిమాలకు దర్శకత్వం వహించారు. కానీ తన క్రెడిట్‌ లేకుండా మరో మూవీకి డైరెక్షన్‌ చేశారు. కానీ క్రెడిట్‌ వేసుకోలేదు. ఆ మూవీ రిలీజ్‌ అయి ఇండస్ట్రీ రికార్డులను బ్రేక్‌ చేసింది. సూపర్‌ స్టార్‌ కృష్ణ కెరీర్‌లోనే బెస్ట్ మూవీగా నిలిచింది. ఆ మూవీ ఏంటో కాదు `అల్లూరి సీతారామరాజు`. 

1974లో వచ్చిన `అల్లూరి సీతారామరాజు` చిత్రానికి దర్శకుడు వీ రామచంద్రరావు. స్వాతంత్ర్య సమరయోధుడు, మన్యందొర అల్లూరి సీతారామరాజు జీవితం ఆధారంగా రూపొందిన చిత్రమిది. ఈ మూవీని ఔట్‌ డోర్‌లో చింతపల్లి ఫారెస్ట్ లో చిత్రీకరణ జరిపారు. అక్కడ షూటింగ్‌ సమయంలో దర్శకుడు రామచంద్రరావుకి హార్ట్ ఎటాక్‌ వచ్చింది. దీంతో వైజాగ్‌కి తరలించారు. కొంత కాలం చికిత్స అనంతరం దర్శకుడు కన్నుమూశారు. దీంతో ఈ మూవీని కృష్ణనే దర్శకత్వం వహించాల్సి వచ్చిందట. 
 

అయితే హార్ట్ ఎటాక్‌ రావడం వల్ల దర్శకుడు.. ఈ మూవీని ఎవరూ చేసినా న్యాయం చేయలేరు, మీరే చేయాలని కృష్ణకి చెప్పారట.అంతేకాదు దర్శకుడిగా తనకు క్రెడిట్‌ ఇవ్వాలని తెలిపారట. కృష్ణ ఓకే చెప్పాడు. దర్శకుడికి ఇచ్చిన మాట కోసం సినిమాని అద్భుతంగా చిత్రీకరించారు కృష్ణ. కానీ దర్శకుడిగా తన పేరుకోలేదు. ఆ దర్శకుడి పేరునే వేసి రిలీజ్‌ చేశారు. 
 

1974 మే 1న విడుదలైన ఈ చిత్రం సంచలన విజయం సాధించింది. అందరి అంచనాలను బ్రేక్‌ చేసి ఇండస్ట్రీ రికార్డులు సృష్టించింది. ఈ మూవీ చాలా సెంటర్లలో రెండు వందల రోజులు ప్రదర్శించబడింది. అంతేకాదు డిస్ట్రిబ్యూటర్లకి కోటీ రూపాయల షేర్‌ వచ్చింది. అప్పట్లో ఈ రేంజ్‌లో షేర్‌ అంటే రికార్డు అనే చెప్పాలి.

ఈ చిత్రం ఇప్పటికీ తెలుగు సినిమా చరిత్రలో ఒక క్లాసిక్‌గా, దేశ భక్తి చిత్రాల్లో మొదటి స్థానంలో ఉండే మూవీగా నిలిచింది. ఇందులో `తెలుగు వీర లేవరా` అనే పాటకిగానూ శ్రీ శ్రీకి జాతీయ అవార్డు వరించింది. అలా కృష్ణ అనుకోకుండా దర్శకుడిగా మారి తొలి చిత్రంతోనే ఇండస్ట్రీ రికార్డులను బ్రేక్‌ చేశారు.