Sharwanand: సోషల్ మీడియా నుంచి శర్వానంద్ పెళ్లి ఫోటోలు మాయం..నిజంగానే విడిపోతున్నారా ?

యంగ్ హీరో శర్వానంద్ సంక్రాంతికి నారీ నారీ నడుమ మురారి చిత్రంతో మంచి విజయం అందుకున్నాడు. ఇప్పుడు సమ్మర్ లో శర్వా నటించిన మరో మూవీ బైకర్ రిలీజ్ అయింది. శుక్రవారం ప్రేక్షకుల ముందుకు వచ్చిన ఈ చిత్రానికి ఆడియన్స్ నుంచి, క్రిటిక్స్ నుంచి మంచి రెస్పాన్స్ దక్కుతోంది. మొత్తంగా శర్వానంద్ సక్సెస్ ట్రాక్ ఎక్కేశాడు. వరుస సినిమాలతో దూసుకుపోతున్నాడు.

అయితే శర్వానంద్ పర్సనల్ లైఫ్ గురించి మాత్రం కొంత కాలంగా రూమర్స్ వస్తున్నాయి. శర్వానంద్ కి 2023లో రక్షిత రెడ్డి అనే అమ్మాయితో వివాహం జరిగింది. వీరికి ఒక కుమార్తె కూడా జన్మించింది. అయితే కొంత కాలంగా శర్వానంద్, రక్షిత మధ్య విభేదాలు తలెత్తినట్లు ఇద్దరూ విడివిడిగా ఉంటున్నట్లు వార్తలు వచ్చాయి.

విడాకుల రూమర్స్ కూడా మొదలయ్యాయి. గతేడాది నుంచి విడాకుల రూమర్స్ వస్తున్నాయి. అయితే అలాంటిది ఏమీ లేదని గతంలో శర్వా టీం క్లారిటీ ఇచ్చింది. ఇప్పుడు మరోసారి ఆ చర్చ మొదలైంది. దానికి కారణం కూడా ఉంది.

శర్వానంద్ తన సోషల్ మీడియాలో పెళ్లి ఫోటోలని డిలీట్ చేశారు. దీనితో మరోసారి విడాకుల చర్చ మొదలైంది. ప్రస్తుతం శర్వానంద్ ఇంస్టాగ్రామ్ లో అతడి ఫోటోలు మాత్రమే ఉన్నాయి. భార్య ఫోటోలు, పెళ్లి ఫోటోలు, కుమార్తె ఫోటోలు లేవు.

ఒకవైపు శర్వానంద్ బైకర్ మూవీ సక్సెస్ సంబరాల్లో ఉండగా మరోవైపు విడాకుల చర్చ జోరందుకుంది. శర్వానంద్ క్యారెక్టర్ ఆర్టిస్ట్ గా ఎంట్రీ ఇచ్చి ఆ తర్వాత గమ్యం, రన్ రాజా రన్, శతమానం భవతి లాంటి సూపర్ హిట్ చిత్రాలు అందుకున్నాడు.