అల్లు అర్జున్ టీషర్ట్ పై బ్రహ్మానందం ఫోటో, కమెడియన్ డైలాగ్ తో సరికొత్త ట్రెండ్.. బన్నీనా మజాకా

ఐకాన్ స్టార్ అల్లు అర్జున్ పుష్ప చిత్రంలో తగ్గేదే లే అంటూ సరికొత్తట్రెండ్ సెట్ చేశారు. తగ్గేదే లే డైలాగ్ తో పాటు బన్నీ గడ్డం నిమురుకునే యాటిట్యూడ్ కూడా దేశం మొత్తాన్ని ఊపేసింది. పుష్ప ఫీవర్ తగ్గక ముందే అల్లు అర్జున్ మరో కొత్త ట్రెండ్ కి శ్రీకారం చుట్టారు. సాధారణంగా హీరోలు స్టైలిష్ గా అనిపించే టీ షర్ట్ లు ధరిస్తుంటారు. అవసరం అయితే ఆ టీషర్ట్స్ పై మంచి కొటేషన్స్ ఉండేలా చూసుకుంటారు. 

కానీ అల్లు అర్జున్ అందుకు భిన్నం అనే చెప్పాలి. తాజాగా అల్లు అర్జున్ వేవ్స్ సమ్మిట్ 2025 కార్యక్రమానికి హాజరయ్యారు. అయితే అల్లు అర్జున్ ఎయిర్ పోర్ట్ లో వైట్ టీషర్ట్ ధరించి కనిపించారు. అందులో వింతేమి ఉంది అని అనుకోవచ్చు. అక్కడే ట్విస్ట్ ఉంది. బన్నీ టీషర్ట్ పై టాలీవుడ్ స్టార్ కమెడియన్ బ్రహ్మానందం ఫోటోలు ఉన్నాయి. 

అంతటితో అయిపోలేదు. బ్రహ్మి ఫోటో కింద అతడి డైలాగ్ కూడా ఉంది. అనగనగా ఒక రోజు చిత్రంలో బ్రహ్మి.. నెల్లూరు పెద్దా రెడ్డి తెలుసా అంటూ కడుపుబ్బా నవ్వించిన సంగతి తెలిసిందే. అదే డైలాగ్ ని బన్నీ తన టీ షర్ట్ పై ముద్రించుకున్నారు. 

బ్రహ్మి ఫోటో కింద నెల్లూరు పెద్దారెడ్డి తాలూకా అని రాసి ఉంది. దీనితో బన్నీ టీషర్ట్ ఒక్కసారిగా ఇంటర్నెట్ లో వైరల్ గా మారింది. ఫ్యాన్స్ ప్రతి ఒక్కరూ ఈ టీషర్ట్ గురించే చర్చించుకుంటున్నారు. ఇదేం ట్విస్టు రా బాబోయ్ అంటూ కామెంట్స్ పెడుతున్నారు. 

మరికొందరు స్టైల్ కి హాస్యం తోడైతే ఇలాగే ట్రెండ్ అవుతుందని కామెంట్స్ చేస్తున్నారు. అల్లు అర్జున్ టీ షర్ట్ పై బ్రహ్మి ఫోటో కనిపించగానే.. అనగనగా ఒక రోజు చిత్రంలో బ్రహ్మానందం కామెడీ సన్నివేశాలు సోషల్ మీడియాలో వైరల్ అవుతున్నాయి.