Electric Scooters: ఇండియాలో ఎక్కువ మంది కొన్న ఎలక్ట్రిక్ స్కూటర్లు ఇవే..
Electric Scooters: పెట్రోల్ ధరలు భరించలేక ఇప్పుడు ఎక్కువ మంది ఎలక్ట్రిక్ స్కూటర్లు కొనేందుకు ఇష్టపడుతున్నారు. ఒకప్పుడు ఇవి కాస్త ధర ఎక్కువగా ఉండేవి కాని, ఇప్పుడు బడ్జెట్ లోనే దొరుకుతున్నాయి. దీనికి తక్కువ మెయింటనెన్స్, పొల్యూషన్ కూడా ఉండవు కాబట్టి ఎక్కువ మంది కొనేందుకు ఆసక్తి చూపుతున్నారు. ఇండియాలో ఎక్కువగా అమ్ముడయ్యే ఎలక్ట్రిక్ స్కూటర్ల గురించి తెలుసుకుందాం రండి.
పెట్రోల్ ధరలు రోజురోజుకు పెరుగుతున్నందున ప్రయాణికులకు ఎలక్ట్రిక్ స్కూటర్లు ఒక అద్భుతమైన ప్రత్యామ్నాయంగా మారాయి. పెట్రోల్ బైక్లతో పోలిస్తే ఎలక్ట్రిక్ స్కూటర్లు ఎక్కువ కాలం పని చేస్తాయి. వీటికి పెద్దగా మెయింటనెన్స్ కూడా ఉండదు కాబట్టి ఎక్కువగా కొంటున్నారు. పెట్రోల్ తో పోలిస్తే కిలోమీటరుకు ఎలక్ట్రిక్ స్కూటర్లకు అయ్యే ఖర్చు చాలా తక్కువ. తక్కువ మెయింటనెన్స్ ఖర్చు కలిగిన బెస్ట్ స్కూటర్ల గురించి ఇప్పుడు తెలుసుకుందాం.
OLA S1 Pro Gen 3
మార్కెట్లో ఉన్న ప్రముఖ మోడళ్లలో OLA S1 Pro Generation 3 ప్రత్యేకంగా నిలుస్తుంది. జనవరిలో విడుదలైన ఈ స్కూటర్ 5.3 kWh బ్యాటరీ ప్యాక్తో వస్తుంది. ఇది ఒక్కసారి ఛార్జ్ చేస్తే గరిష్టంగా 320 కిలోమీటర్ల వరకు ప్రయాణిస్తుంది. ఇది 117 నుండి 141 కి.మీ./గం వరకు అధిక వేగాన్ని కూడా అందిస్తుంది. ఈ స్కూటర్ ప్రారంభ ధర దాదాపు 1.44 లక్షల రూపాయలు. ఇది లాంగ్ టూర్స్ వెళ్లడానికి బాగా ఉపయోగపడుతుంది.
ఏథర్ ఎనర్జీ
ఏథర్ ఎనర్జీ ఎలక్ట్రిక్ స్కూటర్ ధర 1.09 లక్షల రూపాయల నుండి ప్రారంభమవుతుంది. ఇది ఒకసారి ఛార్జ్ చేస్తే 123 కి.మీ. నుండి 159 కిలోమీటర్ల వరకు ప్రయాణించగలదు. ఇది గంటకు 80 కిమీ వేగంతో ప్రయాణిస్తుంది. ఈ స్కూటర్ నగర ప్రయాణికులకు బాగా సరిపోతుంది.
సింపుల్ వన్
ఇలాంటిదే మరో స్కూటర్ సింపుల్ ఎనర్జీ సింపుల్ వన్. ఇది ఇటీవలే మార్కెట్ లోకి విడుదలైంది. ఇది ఒకసారి ఛార్జ్ చేస్తే 181 కిలోమీటర్ల వరకు ప్రయాణించగలదు. గంటకు 105 కి.మీ. వేగంతో దూసుకుపోతుంది. ఈ మోడల్ 1.40 లక్షల రూపాయల ధరకు మీరు కొనుగోలు చేయవచ్చు.
టీవీఎస్ ఐక్యూబ్
టీవీఎస్ ఐక్యూబ్ మూడు బ్యాటరీ వేరియంట్లలో లభిస్తుంది. ఇది వివిధ బడ్జెట్లలో లభిస్తుంది. అందువల్ల మీ అవసరాలకు తగిన బడ్జెట్ స్కూటర్ ని కొనుగోలు చేయవచ్చు. దీని ధర 89,999 రూపాయల నుండి ప్రారంభమవుతుంది. ఇందులో టాప్ వేరియంట్ ధర రూ.1.85 లక్షలు. ఐక్యూబ్ ఒక్కసారి ఛార్జ్ చేస్తే 75 నుండి 150 కిలోమీటర్ల వరకు ప్రయాణించగలదు. ఇది చిన్న నగరాల్లో ప్రయాణానికి, లాంగ్ టూర్ వెళ్లడానికి కూడా అనువుగా ఉంటుంది.
హీరో స్ప్లెండర్ V2
ఎలక్ట్రిక్ విభాగంలో మరో బెస్ట్ స్కూటర్ హీరో స్ప్లెండర్ V2. గత సంవత్సరం విడుదలైన ఈ స్కూటర్ మూడు వేరియంట్లలో లభిస్తుంది. ఇది 94 కి.మీ. నుండి 165 కిలోమీటర్ల వరకు ప్రయాణిస్తుంది. ఈ స్కూటర్ ప్రారంభ ధర రూ.96,000 నుండి 1.35 లక్షల రూపాయల వరకు ఉంది.
బజాజ్ చేతక్ సిరీస్
మరో బెస్ట్ స్కూటర్ ఏంటంటే.. బజాజ్ చేతక్ 35 సిరీస్. ఇందులో 3501, 3502, 3503 మోడల్స్ ఉన్నాయి. ఈ స్కూటర్ల ధరలు 1.27 లక్షల రూపాయల నుండి ప్రారంభమవుతాయి. ఒకసారి ఛార్జ్ చేస్తే 153 కిలోమీటర్ల వరకు ప్రయాణిస్తాయి.