Indian Railway: రైల్వేలో ప్యాసింజర్ల కోసం ఎన్ని ఉచిత సౌకర్యాలు ఉన్నాయో తెలుసా?

భారతీయ రైల్వే గురించి ప్రత్యేకంగా చెప్పనవసరం లేదు. ప్రతిరోజు కొన్ని లక్షల మందిని సురక్షితంగా గమ్యస్థానాలకు చేర్చుతూ ఉంటుంది. ఇటీవల రైల్వేలో చాలా మార్పులు చోటుచేసుకున్నాయి. ప్యాసింజర్లకు ఎలాంటి ఇబ్బంది కలగకుండా రైల్వే చాలా ఉచిత సౌకర్యాలను కల్పిస్తోంది. చాలామందికి ఈ విషయం తెలియక ఇబ్బంది పడుతుంటారు. మరి రైల్వేలో ఎలాంటి ఫెసిలిటీస్ అందుబాటులో ఉన్నాయో వాటిని ఎలా వాడుకోవాలో ఇక్కడ చూద్దాం.

ఉచితంగా దిండు, దుప్పటి

ఇండియన్ రైల్వేలో చాలా రకాల కోచ్ లు, తరగతులు ఉంటాయి. వీటిలో ఏసీ కోచ్ ఒకటి. ఈ కోచ్ లో జర్నీ చేసే ప్యాసింజర్స్ కి ఫ్రీగా బెడ్‌రోల్ ఇస్తారు. అంటే ఒక దిండు, దుప్పటి ఇస్తారు. మనం ప్రత్యేకంగా ఇంటి దగ్గరి నుంచి తీసుకువెళ్లాల్సిన అవసరం లేదు.

రైల్వేలో మెడికల్ సర్వీస్ కూడా అందుబాటులో ఉంటుంది. ట్రైన్‌లో జర్నీ చేస్తున్నప్పుడు ఎవరైనా ప్యాసింజర్ కి హెల్త్ బాలేకపోతే రైల్వే ఫ్రీగా మెడికల్ హెల్ప్ చేస్తుంది. ఎమర్జెన్సీలో ట్రీట్మెంట్ కూడా ఇస్తారు.

రాజధాని, శతాబ్ది లాంటి ట్రైన్స్ లో ఉచితంగా భోజనం అందించే వెసులుబాటు కూడా ఉంది! అయితే అది మీ ట్రైన్ 2 గంటలు లేట్ అయినప్పుడు మాత్రమే. ఒక వేళ ట్రైన్ లేటుగా వచ్చినప్పుడు రైల్వే ప్యాసింజర్స్ కి ఫ్రీగా ఫుడ్ ఇస్తుంది. మీకు నచ్చిన ఫుడ్ ఆర్డర్ పెట్టుకోవచ్చు.

ఒక ప్యాసింజర్ ట్రైన్ మారాలంటే లేదా స్టేషన్లో వెయిట్ చేయాలంటే రైల్వే స్టేషన్లో ఏసీ లేదా నాన్-ఏసీ వెయిటింగ్ హాల్ వాడుకోవచ్చు.

భారతీయ రైల్వే చాలా ప్రధాన స్టేషన్లలో ప్యాసింజర్స్ కోసం లాకర్ రూమ్ సౌకర్యం కల్పిస్తోంది. ఇది పూర్తిగా ఉచితమే. అంతేకాదు ఈ లాకర్ రూమ్ లో నెల వరకు మీ సామాన్లు భద్రపరుచుకోవచ్చు.