ఆ యాడ్ కోసం సాయి పల్లవికి ఎన్ని కోట్లు ఆఫర్ చేశారో తెలుసా ? అబద్దాలు చెప్పి సంపాదించను అంటూ..

రూ.800 కోట్లతో రూపొందుతున్న రామాయణం సినిమాలో సీత పాత్రను పోషిస్తున్న సాయి పల్లవి, 9 మే 2025న తన 33వ పుట్టినరోజును జరుపుకుంటున్నారు. ఆమె 1992 సంవత్సరంలో తమిళనాడులోని నీలగిరి జిల్లాలోని కోటగిరిలో జన్మించారు. ఆమె ఫెయిర్‌నెస్ క్రీమ్ ప్రకటనను రిజెక్ట్ చేశారు. 

సాయి పల్లవి 2015 లో ప్రేమమ్ సినిమాతో తెరంగేట్రం చేసింది. దక్షిణాది చిత్ర పరిశ్రమలో ఆమె 10 ఏళ్ళ కెరీర్ పూర్తి చేసుకున్నారు. 

సాయి పల్లవి యొక్క సరళత, అందాన్ని చూసి, ఆమెను 800 కోట్ల రూపాయల వ్యయంతో నిర్మిస్తున్న రామాయణ  చిత్రంలో సీత పాత్ర కోసం ఎంపిక చేశారు.

నితీష్ తివారీ దర్శకత్వంలో రామాయణ చిత్రంలో రణ్‌బీర్ కపూర్, సాయి పల్లవి నటిస్తున్నారు.ఈ చిత్రంపై భారీ అంచనాలు ఉన్నాయి. 

కొన్నేళ్ల క్రితం సాయి పల్లవికి పెయిర్ నెస్ క్రీమ్ యాడ్ లో నటించే ఆఫర్ వచ్చింది. ఏకంగా ఆమెకి 2 కోట్ల పారితోషికం ఆఫర్ చేశారు. అయినప్పటికీ సాయి పల్లవి ఆ యాడ్ ని రిజెక్ట్ చేసింది. 

ఓ ఇంటర్వ్యూలో, సహజమైన చర్మ ప్రకాశాన్ని తాను నమ్ముతానని, అందుకే ఫెయిర్ నెస్ క్రీమ్ యాడ్ ని రిజెక్ట్ చేసినట్లు తెలిపింది. 

అదే ఇంటర్వ్యూలో సాయి పల్లవి మాట్లాడుతూ, తన సోదరి పూజ ఒకప్పుడు తన చర్మం రంగు గురించి చాలా ఆందోళన చెందిందని చెప్పింది.దీనితో తాను తన సోదరికి సహజ సౌందర్యాన్ని అలవర్చుకోమని సలహా ఇచ్చానని  తెలిపింది. చర్మ సౌందర్యం కోసం పండ్లు , కూరగాయలు తినమని చెప్పిందట.

అందంగా కనిపించడానికి ఎలాంటి ఫెయిర్‌నెస్ క్రీమ్‌ను ప్రకటించాల్సిన అవసరం తనకు లేదని సాయి పల్లవి అన్నారు. అలాంటి అబద్ధాలు చెప్పి డబ్బు సంపాదించాలని కోరుకోవడం లేదని సాయి పల్లవి తెలిపింది.

సాయి పల్లవి ఎంబీబీఎస్ చదివింది. అయితే, ఆమె తన అధికారిక ఉద్యోగాన్ని వదిలి నటనా రంగంలోకి ప్రవేశించింది.