భాగ్యశ్రీతో రామ్ పోతినేని డేటింగ్ ? ఆమెని అలా పిలిచి రూమర్స్ మరింత పెంచేశాడుగా..

యంగ్ హీరోయిన్ భాగ్యశ్రీ బోర్సే మంగళవారం తన పుట్టిన రోజుని సెలెబ్రేట్ చేసుకుంది. భాగ్యశ్రీ టాలీవుడ్ లోకి మిస్టర్ బచ్చన్ చిత్రంతో ఎంట్రీ ఇచ్చింది. ఆ మూవీ డిజాస్టర్ అయింది. అయినప్పటికీ భాగ్యశ్రీ గ్లామర్ లుక్స్, డ్యాన్స్ ప్రేక్షకులని విపరీతంగా ఆకర్షించాయి. దీనితో ఆమెకి వరుసగా అవకాశాలు వస్తున్నాయి. ఆమె పుట్టిన రోజు సందర్భంగా అభిమానులు, ఆమె నటిస్తున్న తదుపరి చిత్రాల బృందాల నుండి సోషల్ మీడియాలో శుభాకాంక్షలు వెల్లువెత్తాయి. అయితే అందరి దృష్టిని ఆకర్షించినది హీరో రామ్ పోతినేని తెలిపిన శుభాకాంక్షలే.

గత కొన్ని నెలలుగా భాగ్యశ్రీ, రామ్ మధ్య డేటింగ్, లవ్ ఎఫైర్ లాంటి వ్యవహారాలు జరుగుతున్నాయని సోషల్ మీడియాలో ఊహాగానాలు వ్యాపిస్తున్న సంగతి తెలిసిందే. వీరిద్దరూ RAPO 22 సినిమా నటిస్తున్నారు. షూటింగ్ సమయంలో వీరి మధ్య ప్రేమ చిగురించినట్లు వార్తలు ఇటీవల వార్తలు వచ్చాయి. అయితే, ఈ విషయంపై ఇద్దరూ ఎటువంటి క్లారిటీ ఇప్పటివరకు ఇవ్వలేదు.

ఈ నేపథ్యంలో రామ్ తన సోషల్ మీడియా ఖాతా ద్వారా భాగ్యశ్రీకి పుట్టినరోజు శుభాకాంక్షలు తెలియజేశారు. RAPO 22 సినిమాలో భాగ్యశ్రీ ఫొటోను షేర్ చేస్తూ, "హ్యాపీ బర్త్ డే BB! ఈ ఏడాది నీకు ప్రేమ, విజయాలు, సంతోషం దక్కుతాయని ఆశిస్తున్నా. అందుకు నువ్వు అర్హురాలివి. Love ‘n’ Luck #RAPO" అని రామ్ పోస్ట్ చేశారు .

ఈ సందేశంలో "BB" అని సంబోధించడం, అలాగే "Love 'n' Luck" అనే మాటలు నెటిజన్లలో కొత్త చర్చకి దారి తీశాయి. కొందరు అభిమానులు ఇది కేవలం సహనటికి ఇచ్చిన శుభాకాంక్ష మాత్రమేనని భావించినా, మరికొందరు వీరి మధ్య ప్రత్యేకమైన బంధం ఉండవచ్చనిఅంటున్నారు. BB అంటే భాగ్యశ్రీ బోర్సే అని షార్ట్ గా పిలవడమే. కానీ కొంతమంది నెటిజన్లు మరోలా ఊహించుకుంటున్నారు. 

అయితే ఈ సందర్భంగా స్పష్టంగా చెప్పాల్సిన విషయం ఏంటంటే—ఇదంతా కేవలం ఊహాగానమే కావచ్చని, రామ్ కేవలం సహనటి పుట్టినరోజు సందర్భంగా మాత్రమే శుభాకాంక్షలు తెలిపి ఉండొచ్చు అని అంటున్నారు. కానీ రామ్ మాత్రం తన పోస్ట్ తో ప్రస్తుతం ఉన్న రూమర్స్ ని మరింతగా పెంచాడు అనే చెప్పాలి. 

ఇదిలా ఉంటే భాగ్యశ్రీ ప్రస్తుతం విజయ్ దేవరకొండ నటిస్తున్నకింగ్ డమ్ , దుల్కర్ సల్మాన్ కాంబినేషన్‌లో రూపొందుతున్న కాంత వంటి చిత్రాల్లోనూ నటిస్తున్నారు. దీంతో పాటు మరో రెండు చిత్రాలు ఆమె చేతిలో ఉన్నాయి.ఒకవైపు తన గ్లామర్ తో , మరోవైపు డేటింగ్ రూమర్స్ తో భాగ్యశ్రీ ఫుల్ పబ్లిసిటీ కొట్టేస్తోంది.