బ్లాక్ బస్టర్ అవుతుంది అని తెలిసినా ఆ మూవీని రిజెక్ట్ చేసిన అల్లు అర్జున్.. నిర్మాత పంట పండింది

ఐకాన్ స్టార్ అల్లు అర్జున్ ఎన్నో సూపర్ హిట్ చిత్రాల్లో నటించారు. గంగోత్రి, ఆర్య, బన్నీ ఇలా కెరీర్ బిగినింగ్ లోనే అల్లు అర్జున్ కి వరుసగా మూడు సూపర్ హిట్స్ దక్కాయి. ఆ తర్వాత అల్లు అర్జున్ దేశముదురు, పరుగు, జులాయి, రేసుగుర్రం, సరైనోడు, అల వైకుంఠపురములో లాంటి సూపర్ హిట్ చిత్రాల్లో నటించారు.

ఇక పాన్ ఇండియా చిత్రంగా రూపొందిన పుష్ప 1, పుష్ప 2 చిత్రాలు ఇండియన్ బాక్సాఫీస్ వద్ద సంచలనం సృష్టించాయి. అల్లు అర్జున్ తిరుగులేని పాన్ ఇండియా హీరోగా మారిపోయారు. అయితే అల్లు అర్జున్ తన కెరీర్లో కొన్ని సూపర్ హిట్ చిత్రాలను కూడా రిజెక్ట్ చేశారు అందులో ముఖ్యంగా చెప్పుకోవాల్సింది భద్ర చిత్రం గురించి.

భద్ర మూవీ దర్శకుడిగా బోయపాటి శ్రీనుకి తొలి చిత్రం. రవితేజ, మీరాజాస్మిన్ నటించిన ఈ చిత్రం సంచలనం అందుకుంది. దిల్ రాజు ఈ చిత్రం నిర్మించారు. అయితే ఈ మూవీ దిల్ రాజు చేతిలోకి వెళ్లడానికి కారణం అల్లు అర్జున్. మొదట బోయపాటి శ్రీను భద్ర కథని అల్లు అర్జున్ కే వినిపించారట. ఈ విషయాన్ని అల్లు అర్జున్ స్వయంగా తెలిపారు. బోయపాటి గారు భద్ర కథ చెప్పినప్పుడు నాకు చాలా బాగా నచ్చింది.
 

కానీ అదే టైంలో ఆర్య చిత్రం ప్రారంభం అవుతుంది. ఆర్య చిత్రం పూర్తి చేసి భద్ర మూవీ మొదలు పెట్టాలంటే ఆలస్యం  అవుతుంది. అందుకే ఆ చిత్రాన్ని రిజెక్ట్ చేశాను. కానీ బోయపాటిని తీసుకెళ్లి దిల్ రాజుకి పరిచయం చేశాను. బోయపాటి భద్ర కథని దిల్ రాజుకు వినిపించారు. ఆయనకి కథ నచ్చడంతో రవితేజతో సినిమాని ప్రారంభించారు.
 

భద్రా లాంటి అద్భుతమైన చిత్రం తనకి దక్కడంతో దిల్ రాజు నాకు థాంక్స్ చెప్పారు అని అల్లు అర్జున్ అన్నారు. ఆ తర్వాత బోయపాటితో కలిసి మూవీ చేయడం సరైనోడు సాధ్యమైంది అని అల్లు అర్జున్ తెలిపారు.