IPL 2025లో అత్యధిక సిక్సర్లు కొట్టిన టాప్-5 ప్లేయర్లు

ఇండియన్ ప్రీమియర్ లీగ్ 18వ సీజన్ ప్లేఆఫ్స్ దశకు చేరుకుంది. చాలా మంది ప్లేయర్లు అద్భుతమైన ఇన్నింగ్స్‌లు ఆడారు. ఫోర్లు, సిక్సర్ల మోత మోగించారు. స్టేడియానికి వచ్చిన క్రికెట్ లవర్స్ ను పరుగుల వర్షంలో ముంచెత్తారు.

ఐపీఎల్ 2025లో లీగ్ దశ ముగిసే సరికి  అత్యధిక సిక్సర్లు బాదిన ప్లేయర్ల లిస్టులో  మొదటి స్థానంలో లక్నో సూపర్ జెయింట్స్ బ్యాట్స్‌మన్ నికోలస్ పూరన్ ఉన్నారు. ఈ ఎడమచేతి వాటం కరేబియన్ బ్యాట్స్‌మన్ 14 మ్యాచ్‌లలో 40 సిక్సర్లు కొట్టాడు. లక్నో జట్టు ప్లేఆఫ్స్‌కు అర్హత సాధించలేదు కాబట్టి పూరన్ కు ఇక మ్యాచ్‌లు లేవు.

రెండవ స్థానంలో లక్నో సూపర్ జెయింట్స్ బ్యాట్స్‌మన్ మిచెల్ మార్ష్ ఉన్నారు. ఈ బ్యాట్స్‌మన్ 14 మ్యాచ్‌లలో 37 సిక్సర్లు కొట్టాడు.

మూడవ స్థానంలో ముంబై ఇండియన్స్ బ్యాట్స్‌మన్ సూర్యకుమార్ యాదవ్ ఉన్నారు. సూర్య 14 మ్యాచ్‌లలో 32 సిక్సర్లు కొట్టాడు. సూర్య బ్యాట్ నుంచి మరిన్ని సిక్సర్లు వచ్చే ఛాన్స్ ఉంది.

నాలుగో స్థానంలో పంజాబ్ కింగ్స్ కెప్టెన్ శ్రేయాస్ అయ్యర్ ఉన్నారు. ఈ కుడిచేతి వాటం బ్యాట్స్‌మన్ ఈ సీజన్‌లో 14 మ్యాచ్‌లలో 31 సిక్సర్లు కొట్టాడు. పంజాబ్ పాయింట్ల పట్టికలో టాప్ ప్లేస్ లో  ఉంది కాబట్టి అయ్యర్ నుంచి మరిన్ని సిక్సర్లు చూడవచ్చు. 

ఐపీఎల్ 2025లో అత్యధిక సిక్సర్లు కొట్టిన బ్యాట్స్‌మెన్‌ల జాబితాలో అభిషేక్ శర్మ ఐదవ స్థానంలో ఉన్నారు. ఈ ఎడమచేతి వాటం బ్యాట్స్‌మన్ 14 మ్యాచ్‌లలో 28 సిక్సర్లు కొట్టాడు.