Business Idea: చేతిలో రూ. 10 వేలు ఉంటే చాలు రూ. 60 వేలు సంపాదించ‌వ‌చ్చు.. బెస్ట్ సీజ‌న‌ల్ బిజినెస్ ఐడియాలు

సీజ‌న్‌కు అనుగుణంగా అవ‌స‌ర‌మ‌య్యే వ్యాపారాల‌ను ప్రారంభించ‌డం వ‌ల్ల మంచి లాభాలు ఆర్జించ‌వ‌చ్చు. ఇలాంటి వ్యాపారాలు కేవ‌లం కొన్ని నెల‌ల‌కు మాత్ర‌మే ప‌రిమితమ‌వుతాయి. ప్ర‌స్తుతం వర్షాకాలాన్ని క్యాష్ చేసుకుంటే డ‌బ్బులు బాగా సంపాదించ‌వ‌చ్చు. అందులోనూ త‌క్కువ పెట్టుబ‌డితో మంచి లాభాలు పొందొచ్చు. అలాంటి కొన్ని బిజినెస్ ఐడియాలు ఇవే.

వ‌ర్షాకాలం క‌చ్చితంగా అవ‌స‌ర‌మ‌య్యే వాటిలో గొడుగులు ఒక‌టి. మాన్సూన్‌లో మహిళలు, పురుషులు, విద్యార్థులు ఇలా ప్ర‌తీ ఒక్క‌రికీ ఉప‌యోగ‌ప‌డ‌తాయి. హోల్‌సేల్‌లో గొడుగుల‌ను ఒక్కోదాన్ని రూ. 100 నుంచి రూ. 120కి కొనుగోలు చేయొచ్చు. 

వీటిని స‌గ‌టును రూ. 200 నుంచి రూ. 300 వ‌ర‌కు విక్ర‌యించ‌వ‌చ్చు. ఇలా చూసుకుంటే ఒక్క గొడుగుకు రూ. 100 నుంచి రూ. 150 లాభం పొందొచ్చు. బస్సు స్టాండ్, స్కూల్స్ దగ్గర, రైల్వే స్టేషన్లు, మార్కెట్ల వ‌ద్ద విక్ర‌యించ‌వ‌చ్చు. ఎలాంటి రెంట్ లేకుండా వ్యాపారం చేయొచ్చు.

బైక్‌ల వెళ్లే వారు, విద్యార్థులు రెయిన్ సీజ‌న్‌లో రెయిన్ కోట్‌ల‌ను ఉప‌యోగిస్తుంటారు. కాబ‌ట్టి వీటిని విక్ర‌యిస్తే ఈ సీజ‌న్‌లో మంచి లాభాలు గ‌డించ‌వ‌చ్చు. హోల్‌సేల్లో ఒక్కో రెయిన్ కోట్‌ను రూ. 150 నుంచి రూ. 200 వ‌ర‌కు ఉంటాయి. వీటిని రూ. 300 నుంచి రూ. 400 వ‌ర‌కు విక్ర‌యించ‌వ‌చ్చు. ఇలా ఒక్కో దానిపై క‌నీసం రూ. 100 లాభం పొందొచ్చు.

వ‌ర్షాకాలంలో నీటిలో బూట్లు తడవకుండా ఉండేందుకు వీటిని ఉప‌యోగిస్తుంటారు. వీటి ధ‌ర హోల్‌సేల్‌లో కొనుగోలు చేస్తే రూ. 60 నుంచి రూ. 80 ప‌డుతుంది. వీటిని త‌క్కువ‌లో త‌క్కువ రూ. 120 నుంచి రూ. 180 వ‌ర‌కు విక్ర‌యించ‌వ‌చ్చు. ఇలా ఒక్కో షూ క‌వ‌ర్‌పై రూ. 60 నుంచి రూ. 100 వ‌ర‌కు లాభం పొందొచ్చు. స్కూల్స్, ఆఫీసులు, ఔట్‌డోర్ వర్కర్స్ సమీపంలో వీటిని విక్ర‌యించ‌వ‌చ్చు.

స్మార్ట్‌ఫోన్ల రక్షణకు చాలా కీలకంగా ప‌నిచేస్తాయి. వ‌ర్షాకాలంలో చాలా మంది వీటిని కొనుగోలు చేసేందుకు ఆస‌క్తి చూపిస్తారు. వీటి విక్ర‌యం ద్వారా మంచి లాబాలు పొందొచ్చు. హోల్‌సేల్‌లో మొబైల్ క‌వ‌ర్ల‌ను రూ. 25 నుంచి రూ. 30కి కొనుగోలు చేయొచ్చు. వీటిని త‌క్కువ‌లో త‌క్కువ రూ. 60 నుంచి రూ. 80కి కొనుగోలు చేయొచ్చు. మొబైల్ షాప్స్, షాపింగ్ మాల్స్, రైల్వే స్టేషన్ల వ‌ద్ద విక్ర‌యించ‌వ‌చ్చు.

విద్యార్థులు, డెలివరీ బాయ్స్, ఉద్యోగులకు ఈ బ్యాగ్స్ ఎంత‌గానో అవ‌స‌ర‌ప‌డ‌తాయి. వీటిని హోల్‌సేల్‌గా కొనుగోలు చేస్తే రూ. 30 నుంచి రూ. 40కి పొందొచ్చు. వీటిని రూ. 70 నుంచి రూ. 100కి అమ్మొచ్చు. ఇలా ఒక్కో బ్యాగ్‌కు రూ. 40 నుంచి రూ. 60 లాభం పొందొచ్చు.

పైన తెలిపిన ఈ వ్యాపారాలను ప్రారంభించడం వల్ల మంచి లాభాలు పొందొచ్చు. సరిగ్గా రెండు నెలలు కష్టపడితే తక్కువలో తక్కువ రూ. 60 వేల వరకు ఆర్జించవచ్చు.