రూ.20,000 జీతం ఉన్న వాళ్లు కూడా కొనగలిగే 3 కార్లు ఇవే
మీ జీతం రూ.20 వేలా? కారు కొనాలనుకుంటున్నారా? మార్కెట్లో తక్కువ బడ్జెట్ లో అనేక కార్లు అందుబాటులో ఉన్నాయి. వీటిల్లో బెస్ట్ కార్ల ధరలు, ఈఎంఐ, స్టైల్, మైలేజ్, తదితర వివరాలు తెలుసుకుందాం రండి.
1. మారుతి ఆల్టో K10
ఫస్ట్ టైమ్ కారు కొనాలనుకునే వారికి మారుతి సుజుకి సరైన కారు. ఎందుకంటే ఆల్టో కె10 చిన్నగా చిన్న ఫ్యామిలీకి సరిపోయేలా కంఫర్ట్ గా ఉంటుంది. ఢిల్లీలో దీని ఆన్ రోడ్ ధర దాదాపు 4.73 లక్షల రూపాయలు. పెట్రోల్ వేరియంట్ మైలేజ్ లీటరుకు 24.39 కి.మీ. తక్కువ సంపాదన ఉన్న వారు కూడా దీన్ని కొనుక్కోవచ్చు. పార్కింగ్ చేయడం సులభం. మెయింటనెన్స్ ఖర్చు తక్కువ. పనితీరు అద్భుతంగా ఉంటుంది.
రెనాల్ట్ క్విడ్
మీ కారు చూసి జనాలు ఆశ్చర్యపోవాలనుకుంటే క్విడ్ తీసుకోండి. దీని ఆన్ రోడ్ ధర 5.31 లక్షల రూపాయల నుండి ప్రారంభం అవుతుంది. లీటరు పెట్రోల్కు 22 కి.మీ మైలేజ్ ఇస్తుంది. ఈ కారు లుక్స్ చాలా మోడ్రన్ గా ఉంటాయి. CNG వేరియంట్ కూడా ఇది అందుబాటులో ఉంది. లోపలి భాగం చాలా విశాలంగా ఉంటుంది.
3. మారుతి సుజుకి S-Presso
చిన్న కారులో SUV లాంటి లుక్ కావాలంటే S-Presso తీసుకోవడం కరెక్ట్. దీని ప్రారంభ ఎక్స్ షోరూమ్ ధర 4.26 లక్షల రూపాయలు. ఇందులో 5 మంది సౌకర్యవంతంగా కూర్చోవచ్చు. ఎక్కువ గ్రౌండ్ క్లియరెన్స్, అద్భుతమైన డ్రైవింగ్ అనుభవం, స్మార్ట్ ఫీచర్స్ అన్నీ తక్కువ ధరలోనే లభిస్తాయి.
ఈ మూడింటిలో ఏ కారు బెస్ట్?
మైలేజ్, ఖర్చు మీ ప్రాధాన్యత అయితే ఆల్టో K10 ఉత్తమం. స్టైల్, స్పేస్, సీఎన్జీ ఆప్షన్ కావాలంటే క్విడ్ ఎంచుకోండి. SUV ఫీలింగ్, దృఢత్వం, గతుకుల రోడ్లలో ప్రయాణించాలంటే S-Presso తీసుకోవడం బెస్ట్.
20 వేల జీతంలో కారు ఎలా?
20-25 వేల జీతం ఉన్నవారు కారు కొనడం కష్టమనుకుంటారు. కానీ ఇప్పుడు కాలం మారింది. తక్కువ బడ్జెట్లో స్టైల్, స్పేస్, మైలేజ్ అన్నీ ఉన్న కార్లు మార్కెట్ లో అందుబాటులో ఉన్నాయి. వీటి ధర తక్కువ కాబట్టి ఈఎంఐ కూడా తక్కువే. అందువల్ల 20-25 వేల జీతం ఉన్నవారి బడ్జెట్లోనే మంచి కారు తీసుకోవచ్చు.
