Zodiac Signs: ఏ రాశివారు ఏ రోజు పెళ్లి చూపులకు వెళ్తే మంచి లైఫ్ పాట్నర్ వస్తారో తెలుసా?

ప్రతి ఒక్కరి జీవితంలో పెళ్లిచూపులు, నిశ్చితార్థం, పెళ్లి చాలా ముఖ్యమైనవి. జ్యోతిష్య శాస్త్రం ప్రకారం.. ప్రతి రాశికి కొన్ని రోజులు, నక్షత్రాలు అనుకూలంగా ఉంటాయి. ఈ రోజుల్లో పెళ్లిచూపులు జరిగితే శుభ ఫలితాలు కలుగుతాయని శాస్త్రాలు చెబుతున్నాయి. మంచి జీవిత భాగస్వామిని పొందాలంటే రాశికి తగ్గ రోజుల్లో పెళ్లిచూపులు జరగాలని జ్యోతిష్య నిపుణులు చెబుతున్నారు. మరి ఏ రాశివారికి ఏ రోజు మంచిదో ఇక్కడ చూద్దాం.

జ్యోతిష్య శాస్త్రం ప్రకారం.. మేషరాశి వారికి బుధ, శుక్రవారాలు శుభప్రదం. రోహిణి, శ్రవణ నక్షత్రం రోజుల్లో కూడా పెళ్లిచూపులకు వెళ్లవచ్చు. ఈ రోజుల్లో పెళ్లిచూపులు జరిగితే సంతోషకరమైన వివాహ జీవితం ఉంటుంది. 

వృషభ రాశి వారికి శని, శుక్రవారాలు శుభ దినాలు. ఈ రోజుల్లో వరుడికి నచ్చిన అమ్మాయి దొరికి వివాహం జరుగుతుంది. ఉత్తర, హస్త నక్షత్రాలు కూడా శుభప్రదం.

ప్రేమ, ప్రశాంతత కలిగిన మిథున రాశి వారికి మంగళ, గురువారాలు పెళ్లిచూపులకు అనుకూలం. స్వాతి, రేవతి నక్షత్రాలు కూడా శుభప్రదం.

కర్కాటక రాశి వారికి సోమ, బుధవారాలు శుభప్రదం. అనురాధ, పుష్యమి నక్షత్రాలు కూడా శుభప్రదం. తల్లిదండ్రులు, బంధువులతో పెళ్లిచూపులకు వెళ్తే నచ్చిన అమ్మాయి దొరుకుతుంది. స్నేహితులు కూడా సహాయం చేస్తారు.

ఎప్పుడూ గంభీరంగా కనిపించే సింహరాశి వారికి ఆది, గురువారాలు శుభప్రదం. మఖ, ఉత్తర ఫల్గుణి నక్షత్రాలు కూడా శుభప్రదం. నచ్చిన అమ్మాయి దొరకాలంటే ఈ రోజుల్లో పెళ్లిచూపులకు వెళ్లవచ్చు.

కన్యారాశి వారికి బుధ, శుక్రవారాలు శుభదినాలు. హస్త, ఉత్తర నక్షత్రాలు కూడా శుభప్రదం. సరైన రోజుల్లో పెళ్ళిచూపులు జరిగితే వివాహ జీవితం బాగుంటుందని జ్యోతిష్య శాస్త్రం చెబుతోంది.

తులారాశి వారు శుక్ర, శనివారాల్లో పెళ్లిచూపులకు వెళ్లవచ్చు. స్వాతి, ఉత్తరాషాఢ నక్షత్రాలు శుభప్రదం. ప్రేమ వివాహం అయినా, పెద్దలు కుదిర్చిన వివాహం అయినా రాశికి తగ్గ రోజుల్లో పెళ్లిచూపులు జరిగితే శుభ ఫలితాలు కలుగుతాయని జ్యోతిష్య నిపుణులు చెబుతున్నారు.

వృశ్చిక రాశి వారు మంగళ, గురువారాల్లో పెళ్లిచూపులకు వెళ్లవచ్చు. అనురాధ, జ్యేష్ఠ నక్షత్రాలు కూడా వీరికి శుభప్రదం.

ధనుస్సు రాశి వారు గురు, ఆదివారాల్లో పెళ్లిచూపులకు వెళ్లవచ్చు. మూల, ఉత్తర ఫల్గుణి నక్షత్రాలు కూడా వీరికి శుభప్రదం.

మకర రాశి వారికి శని, బుధవారాలు శుభప్రదం. శ్రవణ, ఉత్తరాషాఢ నక్షత్రాలు కూడా శుభప్రదం.

ఈ రాశివారికి మంగళ, శుక్రవారాలు శుభప్రదం. ఉత్తర, రేవతి నక్షత్రాలు కూడా కలిసివస్తాయి.

మీన రాశివారికి గురు, సోమవారాలు శుభప్రదం. పూర్వాభాద్ర, ఉత్తరాభాద్ర నక్షత్రాలు కూడా కలిసివస్తాయి.

పెళ్లిచూపులకు రోజు నిర్ణయించేటప్పుడు రాహుకాలం, యమగండం వంటివి లేకుండా చూసుకోవాలి. కుటుంబ సంప్రదాయాలు, జ్యోతిష్యుల సలహా తీసుకొని పెళ్లి చూపులకు రోజు నిర్ణయించుకోవాలి. శుభ ముహూర్తంలో పెళ్లిచూపులు జరిగితే వైవాహిక జీవితం బాగుంటుందని జ్యోతిష్య శాస్త్రం చెబుతోంది.