Rangoli: రోజూ ఇంటి ముందు ముగ్గు ఎందుకు వేయాలి? పరమార్థం ఏంటి?

ఒకప్పుడు స్త్రీలు సూర్యోదయానికి ముందుగానే లేచి, కల్లాపి చల్లి ముగ్గులు వేసేవారు. కానీ, ఇప్పుడు అలాంటి సంప్రదాయం కనుమరుగవుతుంది. చాలా మంది ముగ్గులకు బదులు స్టిక్కర్లు వేస్తున్నారు.

ఇంటి ముందు రోజూ ముగ్గు వేయడం వల్ల సానుకూల శక్తులు ప్రవేశిస్తాయని నమ్మకం. ఇంటిలో చెత్తాచెదారం లేకుండా ఎప్పటికప్పుడు శుభ్రం చేయడం వల్ల లక్ష్మీదేవి అనుగ్రహం పొందుతారంట. 

ముగ్గు కేవలం అలంకారం కాదని, దాని వెనుక ఆధ్యాత్మికత ప్రాముఖ్యత ఉందట. ఇంటి ముందు ముగ్గు వేయడం వల్ల దుష్టశక్తులు ఇంట్లోకి రావని,  లక్ష్మీదేవి ఇంట్లో ఉంటుందని నమ్మకం. 

బియ్యపు పిండితో ఇంటి ముందు ముగ్గులు వేయడం వల్ల పక్షులు, చీమలు, కీటకాలకు ఆహారం లభిస్తుంది. పరోక్షంగా వాటికి సహాయం చేయడమే. అంతేకాదు ముగ్గులు వేయడం వల్ల గ్రహ దోషాలు కూడా తొలగిపోతాయట.