Kitchen Hacks: మీ ఇంట్లో చేపల వాసన వస్తుందా? ఈ టిప్స్ పాటించండి..

చేపలు కడిగిన తర్వాత వచ్చే దుర్వాసనను తొలగించాలంటే.. ఒక గిన్నెలో నీరు పోసి అందులో లవంగాలు, దాల్చిన చెక్క వేసి మరిగించండి. ఆ ఆవిరితో ఇల్లు సుగంధంగా మారి, దుర్వాసన పూర్తిగా పోతుంది.

చేపల వ్యర్థాలు డ్రైనేజీలో పేరుకుపోతే దుర్వాసన వస్తుంది. ఇందుకోసం కొంచెం బేకింగ్ సోడా డ్రైనేజీలో వేసి, ఆపై వినిగర్ పోసి కొంత సేపు వేచి ఉండండి. తర్వాత వేడి నీళ్లు పోస్తే సరే. 

దుర్వాసన వచ్చే ప్రదేశాల్లో కొంచెం బేకింగ్ సోడా చల్లితే, అది వాసనను గ్రహించి తటస్థం చేస్తుంది. ఈ విధంగా తక్కువ ఖర్చుతో సులభంగా దుర్వాసనను పోగొట్టవచ్చు. 

కిచెన్ సింక్‌ను నిమ్మకాయతో రుద్ది కడిగితే దుర్వాసనను తొలగిస్తుంది. ముఖ్యంగా చేపల వాసన పోవడానికి ఇది మంచి పరిష్కారం

వంటగదిలో దుర్వాసనను తొలగించాలంటే.. ఒక గిన్నెలో కాఫీ పొడి లేదా బేకింగ్ సోడా వేసి తెరిచి ఉంచండి. ఇవి గాలిలోని వాసనను శోషించి, ప్రదేశాన్ని సువాసన భరితంగా మార్చుతుంది. 

చేపలు శుభ్రం చేసేటప్పుడు లేదా వండేటప్పుడు కిటికీలు ఎల్లప్పుడూ తెరిచి ఉంచండి. దీంతో గాలి సరఫరా సాగుతూ, దుర్వాసన వంటగదిలో నిలిచిపోకుండా బయటకు వెళుతుంది. 

చేపలను డైరెక్ట్ గా ఫ్రిజ్‌లో పెట్టకూడదు. ఇలా ఉంచితే దుర్వాసన ఫ్రిజ్ మొత్తం వ్యాపిస్తుంది. వీలైతే అరటి ఆకు లేదా మూత ఉన్న డబ్బాలో పెట్టాలి. అరటి ఆకు సహజంగా వాసనను తగ్గిస్తాయి.