వర్షాకాలంలో ఎలుకల బెడదకు చెక్ పెట్టే చిట్కాలు

కర్పూరం, తులసి నూనెతో ఎలుకలకు చెక్ పెట్టవచ్చు. కర్పూరం, తులసి నూనెలో ముంచిన కాటన్ బాల్స్ ను ఇంట్లోని వివిధ ప్రదేశాల్లో ఉంచండి. అటువైపు ఎలుకలు కన్నెత్తి కూడా చూడవంటే నమ్మండి.

ఉల్లిపాయ, వెల్లుల్లి వాసనను కూడా ఎలుకలు భరించలేవు. వీటిని నూరి ఎలుకలు వచ్చే చోటల్లో ఉంచితే సరిపోతుంది.

యూకలిప్టస్ నూనెలో కొద్దిగా నీళ్లు కలిపి ఎలుకలు తిరిగే ప్రదేశాల్లో స్ప్రే చేస్తే చాలు. ఆ వాసనకు ఎలుకలు చిరాకుపడిపోతాయి. ఆ దరిదాపుల్లోకి రావు.

వంటగదిలో ఆహార పదార్థాలు తెరిచి ఉంచితే ఎలుకలను ఆకర్షించే అవకాశం ఎక్కువ. కాబట్టి అన్ని ఆహార పదార్థాలను బిగుగా మూసిన డబ్బాల్లోనే ఉంచాలి.

చెత్త ఎలుకలకు ప్రధాన ఆకర్షణ. కాబట్టి వంటగదిలో చెత్త ఉంచకుండా, ప్రతిరోజూ బయటకు తీసేయడం వల్ల ఎలుకల బెడద తగ్గుతుంది.

అల్ట్రాసోనిక్ పరికరాలు ఇంట్లో ఉంటే ఎలుకల బెడద ఉండదు. ఎందుకంటే వీటిి నుండి వచ్చే శబ్దం ఎలుకలకు అసహనంగా ఉంటుంది. ఇది రసాయన రహితంగా ఎలుకల బెడదను తగ్గించే సురక్షిత మార్గం.