రతన్ టాటా వారసులు ఎవరు? టాటా గ్రూప్ ను ఎవరు నడిపిస్తారు?

రతన్ టాటా మరణంతో టాటా గ్రూప్ బాధ్యతలు కొత్త తరం నెవిల్, లియా, మాయ టాటాలకు బదిలీ అయ్యే అవకాశం ఉంది.

కొత్త తరంలో  నెవిల్, లియా, మాయ టాటాలు టాటా గ్రూప్‌లో వివిధ కంపెనీల్లో సాధారణ ఉద్యోగులుగా కెరీర్ ను ప్రారంభించారు.

నెవిల్, లియా, మాయ టాటాలు రతన్ టాటా సవతి సోదరుడు నోయెల్ నవల్ టాటా పిల్లలు, లెక్మే వ్యవస్థాపకురాలు సిమోన్ టాటా మనవరాళ్ళు.

మాయ టాటా కుటుంబంలో అత్యంత ప్రతిభావంతురాలిగా గుర్తింపు పొందారు. ఆమె యూకేలోని బాస్ బిజినెస్ స్కూల్, వార్విక్ విశ్వవిద్యాలయంలో చదివారు.

34 ఏళ్ల మాయ టాటా క్యాపిటల్ అనుబంధ సంస్థ టాటా ఆపర్చునిటీస్ ఫండ్‌లో తన కెరీర్ ప్రారంభించింది. పోర్ట్‌ఫోలియో నిర్వహణ, పెట్టుబడిదారుల సంబంధాలలో అందరినీ ఆకట్టుకుంది.

లియా టాటా టాటా కుటుంబంలో పెద్దది. 38 ఏళ్ల లియా మాడ్రిడ్‌లోని IE బిజినెస్ స్కూల్ నుండి మార్కెటింగ్‌లో మాస్టర్స్ డిగ్రీ పొంది 2006లో టాటా గ్రూప్‌లో చేరారు.

లియా టాటా గ్రూప్ హాస్పిటాలిటీ కంపెనీ తాజ్ హోటల్స్ రిసార్ట్స్ అండ్ ప్యాలెస్‌లో అసిస్టెంట్ సేల్స్ మేనేజర్‌గా చేరారు. ప్రస్తుతం IHCLలో వైస్ ప్రెసిడెంట్‌గా ఉన్నారు.

నెవిల్ టాటా ఎక్కువగా తన తండ్రి నోయెల్ టాటా వ్యాపారాలతోనే దగ్గరగా ఉన్నారు. 32 ఏళ్ల వయసులోనే నోయెల్ కంపెనీ ట్రెంట్ లిమిటెడ్‌లో నాన్-ఎగ్జిక్యూటివ్ డైరెక్టర్‌గా ఉన్నారు.

ప్రస్తుతం నెవిల్ టాటా టాటా గ్రూప్ రిటైల్ వ్యాపారం స్టార్ బజార్ హెడ్. నెవిల్ బాస్ బిజినెస్ స్కూల్ నుండి విద్యనభ్యసించారు.